విలన్ గా వరుణ్ తేజ్
హీరోగా వరుసగా సినిమాలు చేస్తున్న టైమ్ లో విలన్ పాత్రలోకి షిఫ్ట్ అయ్యాడు వరుణ్ తేజ్. అవును.. త్వరలోనే ఈ మెగా హీరో విలన్ గా కనిపించబోతున్నాడు. హరీష్ శంకర్ దర్శకత్వంలో రాబోతున్న ఓ రీమేక్ సినిమాలో వరుణ్ విలన్ గా కనిపించబోతున్నాడు. ఈ విషయాన్ని స్వయంగా అతడే ప్రకటించడం విశేషం. “హరీష్ శంకర్ వచ్చారు. ఓ స్టోరీలైన్ చెప్పారు. అవును.. అదొక రీమేక్ సినిమా. తమిళ్ లో హిట్ అయిన జిగర్ తాండా సినిమాలో విలన్ […]
Advertisement
హీరోగా వరుసగా సినిమాలు చేస్తున్న టైమ్ లో విలన్ పాత్రలోకి షిఫ్ట్ అయ్యాడు వరుణ్ తేజ్. అవును.. త్వరలోనే ఈ మెగా హీరో విలన్ గా కనిపించబోతున్నాడు. హరీష్ శంకర్ దర్శకత్వంలో రాబోతున్న ఓ రీమేక్ సినిమాలో వరుణ్ విలన్ గా కనిపించబోతున్నాడు. ఈ విషయాన్ని స్వయంగా అతడే ప్రకటించడం విశేషం.
“హరీష్ శంకర్ వచ్చారు. ఓ స్టోరీలైన్ చెప్పారు. అవును.. అదొక రీమేక్ సినిమా. తమిళ్ లో హిట్ అయిన జిగర్ తాండా సినిమాలో విలన్ పాత్ర అది. జస్ట్ లైన్ మాత్రమే చెప్పారు. ఇంకా దాన్ని డెవలప్ చేయలేదు. నాకు ఇన్ఫర్మేషన్ మాత్రమే ఇచ్చారు. అయినా తెలుగు నేటివిటీకి తగ్గట్టు అందులో చాలా మార్పులు చేయాలి. కంప్లీట్ నెరేషన్ తో మరోసారి కలుస్తానని చెప్పాడు.”
సిద్దార్థ్ హీరోగా నటించిన ఈ సినిమాలో బాబి సిమ్హా విలన్ గా నటించాడు. ఈ సినిమాలో ఫస్టాఫ్ మొత్తం సిద్ధార్థ్ కనిపిస్తే, రెండో భాగమంతా బాబీ సిహ్హాదే హవా. అలాంటి పాత్రలో నటించడానికి వరుణ్ తేజ్ ఒప్పుకున్నాడు. అన్నట్టు ఈ జిగర్ తాండా అనే సినిమా తెలుగులో చిక్కడు-దొరకడు పేరుతో రిలీజైంది. కాకపోతే ఇదంతా నాలుగేళ్ల కిందటి మాట. అంతా మరిచిపోయారు. అందుకే ఇప్పుడు ఫ్రెష్ గా రీమేక్ రూపంలో మరోసారి ముస్తాబవుతోంది ఈ సినిమా.
Advertisement