"ఆర్.ఆర్.ఆర్" కోసం మరో స్టార్ హీరోని తెచ్చే పనిలో రాజమౌళి

ఎస్.ఎస్ రాజమౌళి ప్రస్తుతం రామ్ చరణ్, ఎన్టీఆర్ లతో “ఆర్.ఆర్.ఆర్” సినిమాని స్టార్ట్ చేసిన సంగతి అందరికి తెలిసిందే. ఈ సినిమా రెగ్యులర్ షూటింగ్ ని ఇటీవలే స్టార్ట్ చేసాడు రాజమౌళి. అయితే ఈ సినిమా ఒక్క తెలుగులోనే కాకుండా తమిళ్, హిందీ బాషల్లో కూడా రిలీజ్ కానుంది.

ఇక ఇప్పుడు ఈ సినిమా మార్కెట్ ని అమాంతం పెంచడానికి బాలీవుడ్ స్టార్ ని కూడా తీసుకుంటే బాగుంటుందని భావించిన జక్కన్న బాలీవుడ్ యాక్షన్ హీరో అజయ్ దేవ్ గన్ ని మరో కీలక పాత్రకు ఎంపిక చేసినట్లు తెలుస్తోంది.

బాలీవుడ్ లో అజయ్ దేవ్ గన్ స్టార్ హీరో అన్న విషయం తెలిసిందే. “ఆర్.ఆర్.ఆర్” చిత్రానికి ప్రపంచ వ్యాప్తంగా ప్రాచుర్యం కల్పించడానికి జక్కన్న మహా ప్లాన్ వేస్తున్నాడు. అందులో భాగంగానే అజయ్ దేవ్ గన్ అని తెలుస్తోంది .

“బాహుబలి” సినిమాతో దేశవ్యాప్తంగా క్రేజ్ తెచ్చుకున్న రాజమౌళి ఇప్పుడు ఈ “ఆర్.ఆర్.ఆర్” తో ప్రపంచవ్యాప్తంగా క్రేజ్ తెచ్చుకోవాలి అని భావిస్తున్నాడు. డి.వి.వి దానయ్య ఈ సినిమాని దాదాపు రెండు వందల కోట్ల భారీ బడ్జెట్ తో ప్రొడ్యూస్ చేస్తున్నాడు.