కొరియోగ్రాఫర్ గా మారిన శ్రీనువైట్ల

అమర్ అక్బర్ ఆంటోనీ సినిమాకు శ్రీనువైట్ల కేవలం దర్శకుడు మాత్రమే కాదు. నృత్య దర్శకుడు కూడా. అవును.. ఈ సినిమాలో 2 పాటలకు పూర్తిగా శ్రీనువైట్ల కొరియోగ్రఫీ అందించాడు. ఇక్కడితో ఆగలేదు ఈ దర్శకుడు. సినిమాలో ఓ ఫైట్ ను కూడా తనే కంపోజ్ చేశాడు. ఈ విషయాలన్నింటినీ తాజా ఇంటర్వ్యూలో తనే బయటపెట్టాడు.

ఇలా చేయడం వల్ల ఓ దర్శకుడికి మరింత స్వేచ్ఛ లభిస్తుందని అంటున్నాడు వైట్ల. ఓ దర్శకుడికి మూవీ మేకింగ్ లో అన్ని విభాగాలపై పట్టు ఉండాలని అనడం కరెక్ట్. కానీ అన్ని విభాగాల్లో తను కూడా పనిచేయాలని కోరుకోవడం అవివేకం. ఈ చిన్న లాజిక్ ను శ్రీనువైట్ల మిస్ అయినట్టున్నాడు.