వీర రాఘవకు అరవింద అండ లేనట్టే

సినిమాకే కాదు, ప్రచారానికి కూడా హీరోయిన్ అందమే. సీన్ లోకి హీరోయిన్ దిగితే వాతావరణం కలర్ ఫుల్ గా మారిపోతుంది. అందరి దృష్టి సదరు సినిమాపై పడుతుంది. అందుకే చాలా సందర్భాల్లో హీరోయిన్ తోనే ప్రమోషన్ కూడా స్టార్ట్ చేస్తుంటారు. కానీ అరవింద సమేత యూనిట్ కు ఆ అదృష్టం లేదు.

అవును.. అరవింద సమేత ప్రచారానికి పూర్తిగా దూరమైంది పూజా హెగ్డే. ప్రస్తుతం ఈ ముద్దుగుమ్మ ప్రభాస్ తో సినిమా కోసం ఇటలీలో ల్యాండ్ అయింది. అక్కడ్నుంచే ఓ ట్వీట్ కూడా పడేసింది. ఇటలీలో ఇలా దిగగానే అలా సన్నగా వర్షం స్టార్ట్ అయిందంటూ ట్వీట్ చేసింది. సో.. మరో 4 రోజుల్లో థియేటర్లలోకి రానున్న అరవింద సమేత చిత్రానికి పూజా హెగ్డే ఎలాంటి ప్రచారం చేయడం లేదన్నమాట.

ఇప్పుడే కాదు, రీసెంట్ గా జరిగిన ప్రీ-రిలీజ్ ఫంక్షన్ కు కూడా పూజా హెగ్డే హాజరుకాలేదు. ఆ టైమ్ లో ఆమె జైసల్మేర్ లో ఉంది. అక్కడ్నుంచే ఓ ట్వీట్ చేసింది. ప్రీ-రిలీజ్ ఫంక్షన్ కు రాలేకపోయానని బాధపడింది. ఇలా అరవింద సమేత చిత్రానికి సంబంధించి పూర్తిగా ప్రచారానికి దూరమైంది పూజా హెగ్డే. కనీసం రిలీజ్ తర్వాతైనా ఆమె అందుబాటులోకి వస్తుందో రాదో..