హైద‌రాబాద్, విజయవాడల్లో పబ్లిక్ మీటింగ్ కు రెడీ అవుతున్న దేవరకొండ

విజయ్ దేవరకొండ, మెహ్రీన్ హీరోహీరోయిన్లుగా నటిస్తున్న నోటా సినిమా ప్ర‌మోష‌న్స్ మొద‌లుపెట్టారు. విడుద‌ల‌కు ముందే విజ‌య‌వాడ‌, హైద‌రాబాద్ ల‌లో రెండు భారీ ప‌బ్లిక్ మీటింగ్స్ ఏర్పాటు చేస్తున్నారు.

పొలిటికల్ బ్యాక్ డ్రాప్ తో సినిమా తెరకెక్కుతోంది కాబట్టి ప్రీ-రిలీజ్ ఫంక్షన్ కు బదులు ”పబ్లిక్ మీటింగ్” అనే పేరుపెట్టారు. గతంలో భరత్ అనే నేను సినిమా కోసం కూడా ఇలానే ప్రీ-రిలీజ్ ఫంక్షన్ కు ”బహిరంగ సభ” అనే పేరుపెట్టారు.

సెప్టెంబ‌ర్ 30న విజ‌య‌వాడ‌.. అక్టోబ‌ర్ 1న హైద‌రాబాద్ లో నోటా మీటింగులు జ‌ర‌గ‌నున్నాయి. ఈ మీటింగ్స్ ను “ది నోటా ప‌బ్లిక్ మీట్” అని పేరు పెట్టేసారు ద‌ర్శ‌క నిర్మాత‌లు. విజ‌య్ దేవ‌ర‌కొండ‌, నాజ‌ర్, స‌త్య‌రాజ్ కీల‌క‌పాత్ర‌ల్లో న‌టించిన పొలిటిక‌ల్ డ్రామా నోటా.

మెహ్రీన్ ఇందులో జ‌ర్న‌లిస్ట్ పాత్ర‌లో న‌టిస్తుంది. ఈ సినిమాపై భారీ అంచ‌నాలున్నాయి. ఈ మ‌ధ్యే విడుద‌లైన ట్రైల‌ర్ కు కూడా అద్భుత‌మైన రెస్పాన్స్ వ‌చ్చింది. అర్జున్ రెడ్డి.. గీతగోవిందం లాంటి సంచ‌ల‌న సినిమాల త‌ర్వాత విజ‌య్ దేవ‌ర‌కొండ నుంచి వ‌స్తోన్న సినిమా ఇది. ఆనంద్ శంక‌ర్ తెర‌కెక్కిస్తోన్న ఈ చిత్రాన్ని స్టూడియో గ్రీన్ ప‌తాకంపై జ్ఞాన‌వేల్ రాజా నిర్మించారు. అక్టోబ‌ర్ 5న ప్ర‌పంచ వ్యాప్తంగా నోటా విడుద‌ల కానుంది.