కండ‌లు తిరిగిన బామ్మ గారు...ఫిట్‌నెస్‌లో ఆమెకెవ‌రూ స‌రిరారు!
కొంత‌మంది వ్య‌క్తులు ఇవి మ‌నుషుల‌కు సాధ్య‌మేనా…అనిపించే అసాధ్యాల‌ను నిజం చేసి చూపిస్తుంటారు. అమెరికాలోని బాల్టిమోర్‌కి చెందిన ఎర్నెస్టిన్ షెప‌ర్డ్ అనే 80 ఏళ్ల బామ్మ కూడా అలాంటి వ్య‌క్తే. వ‌య‌సుని బ‌ట్టి ఆమెని బామ్మ అని సంబోధించాల్సిందే త‌ప్ప, ఆమె శ‌రీరాన్ని చూసిన‌వారెవ‌రూ ఆమెకు అంత వ‌య‌సంటే న‌మ్మ‌రు. కండ‌లు తిరిగిన శ‌రీరంతో నేటికీ ఆమె బాడీ బిల్డింగ్ పోటీల్లో పాల్గొంటోంది. ప్ర‌పంచంలోనే అత్య‌ధిక వ‌య‌సున్న బాడీ బిల్డ‌ర్‌గా ఐదేళ్ల క్రిత‌మే గిన్నిస్ ప్ర‌పంచ రికార్డు సృష్టించిన […]
కొంత‌మంది వ్య‌క్తులు ఇవి మ‌నుషుల‌కు సాధ్య‌మేనా…అనిపించే అసాధ్యాల‌ను నిజం చేసి చూపిస్తుంటారు. అమెరికాలోని బాల్టిమోర్‌కి చెందిన ఎర్నెస్టిన్ షెప‌ర్డ్ అనే 80 ఏళ్ల బామ్మ కూడా అలాంటి వ్య‌క్తే. వ‌య‌సుని బ‌ట్టి ఆమెని బామ్మ అని సంబోధించాల్సిందే త‌ప్ప, ఆమె శ‌రీరాన్ని చూసిన‌వారెవ‌రూ ఆమెకు అంత వ‌య‌సంటే న‌మ్మ‌రు. కండ‌లు తిరిగిన శ‌రీరంతో నేటికీ ఆమె బాడీ బిల్డింగ్ పోటీల్లో పాల్గొంటోంది. ప్ర‌పంచంలోనే అత్య‌ధిక వ‌య‌సున్న బాడీ బిల్డ‌ర్‌గా ఐదేళ్ల క్రిత‌మే గిన్నిస్ ప్ర‌పంచ రికార్డు సృష్టించిన ఎర్నెస్టిన్, గ‌త నెల‌లో కాలిఫోర్నియాలో జ‌రిగిన మాస్ట‌ర్స్ మ‌హిళ‌ల బాడీ బిల్డింగ్ ఈవెంట్‌లో రెండు విభాగాల్లో ఛాంపియ‌న్‌గా నిలిచింది.
త‌న సోద‌రి స్ఫూర్తితో బాడీ బిల్డింగ్‌లోకి 56ఏళ్ల వ‌య‌సులో ప్రవేశించిన ఎర్నెస్టిన్ అప్ప‌టినుండి వెనుదిరిగి చూడ‌లేదు. అనేక పోటీల్లో ప‌త‌కాలు సాధిస్తూనే ఉంది. ఇదంతా త‌న అంకిత‌భావం, ప‌ట్టుద‌ల, క్ర‌మ‌శిక్ష‌ణ‌ల‌తోనే సాధ్య‌మైందంటారామె. ఉద‌యం మూడు గంట‌ల‌కు నిద్ర‌లేచే ఎర్నెస్టిన్ రోజూ ప‌ది మైళ్లు ర‌న్నింగ్ చేస్తుంది. జిమ్‌లో రెండుగంట‌లు గ‌డుపుతుంది. త‌రువాత మ‌రో రెండు గంట‌లపాటు పురుష బాడీ బిల్డ‌ర్ల‌తో క‌లిసి సాధ‌న చేస్తుంది. ఇవి కాక ఫిట్‌నెస్ ట్ర‌యిన‌ర్‌గానూ ఇత‌రుల‌కు శిక్ష‌ణ ఇస్తున్నారీమె. ఫేస్‌బుక్‌లో బామ్మ‌గారికి ల‌క్ష‌న్న‌ర‌మంది ఫాలోయ‌ర్లు ఉండ‌టం విశేషం. త‌న‌కు స్ఫూర్తిగా నిలిచిన సోద‌రి త‌న విజయాల‌ను చూడ‌కుండానే మ‌ర‌ణించింద‌నే బాధ ఉన్నా, ఎర్నెస్టిన్ ఫిట్‌నెస్ విష‌యంలో శ్ర‌ద్ధాస‌క్తుల‌ను ఏమాత్రం కోల్పోకుండా ఎంతోమందికి ఆద‌ర్శంగా నిలుస్తున్నారు.