చిరంజీవి ఫ్యాన్స్ కు ఊహించని షాక్

చిరంజీవి ఫ్యాన్స్ కు ఊహించని షాక్ ఇచ్చింది నయనతార. చిరు 150వ సినిమాకు సంబంధించి ఇప్పటివరకు తనను ఎవరూ సంప్రదించలేదని కుండబద్దలుకొట్టింది. దాదాపు 6 నెలలుగా చిరంజీవి 150వ సినిమాకు సంబంధించి నయనతారపై చాలా వార్తలు, కథనాలు వచ్చాయి. కానీ వాటిలో ఒక్కదాన్ని కూడా నయనతార ఇప్పటివరకు ఖండించలేదు. తన దృష్టికి వచ్చినప్పటికీ స్పందించలేదు. కానీ సినిమా ప్రారంభోత్సవానికి సరిగ్గా ఇంకో 2 రోజులు సమయం ఉందనే టైమ్ లో నయనతార ఇలా వ్యాఖ్యలు చేయడం అందర్నీ ఆలోచనలో పడేసింది. నిజంగానే మెగా కాంపౌండ్ నుంచి ఆమెను ఎవరూ సంప్రదించలేదా…లేక సినిమా ప్రారంభోత్సవానికి కొన్ని రోజుల ముందు కావాలనే నయన్ మైండ్ గేమ్ అడుతోందా అనే విషయం అర్థం కావడం లేదు. దీనిపై వివరణ ఇవ్వడానికి మెగా కాంపౌండ్ నుంచి కూడా ఎవరూ అందుబాటులోకి రాలేదు. కొన్ని రోజుల కిందట స్వయంగా దర్శకుడు వీవీ వియనాక్, రామ్ చరణ్ వెళ్లి మరీ నయనతారను కలిశారని వార్తలొచ్చాయి. ఒక ఫంక్షన్ లో నయనతార పేరు పరిశీలనలో ఉందని రామ్ చరణ్ కూడా ప్రస్తావించాడు. అంటే అప్పటికే నయనతారను మెగాకాంపౌండ్ కు సంబంధించిన వ్యక్తులు కలిశారని అర్థం. మరి నయనతార ఇప్పటికిప్పుడు మాట మార్చడంలో ఆంతర్యమేంటి…? కేవలం రెమ్యూనరేషన్ కోసమే నయన్ ఇలా మాట్లాడుతోందని చాలామంది విమర్శిస్తున్నారు. ఈ వ్యవహారంపై 29వ తేదీన ఓ స్పష్టత వచ్చే అవకాశముంది.

Click on Image to Read: