గ్యారేజీకి చేరిన మరో హీరోయిన్

ఎన్టీఆర్ నటిస్తున్న జనతా గ్యారేజీ సినిమా స్టార్ ఎట్రాక్షన్ రోజురోజుకు పెరిగిపోతోంది. ఇప్పటికే మోహన్ లాల్ ఇందులో కీలకపాత్ర పోషిస్తున్నాడు. నిత్యమీనన్-సమంత హీరోయిన్లుగా నటిస్తున్నారు. తాజాగా ఈ లిస్ట్ లోకి విదిశ కూడా చేరింది. తెలుగులో అత్తిలి సత్తిబాబు, దేవరాయ లాంటి సినిమాల్లో హీరోయిన్ గా నటించింది విదిశ. కానీ అవేవీ ఈమెకు పెద్దగా గుర్తింపు తెచ్చిపెట్టలేదు. హఠాత్తుగా ఎన్టీఆర్ సినిమాలో ఛాన్స్ కొట్టేసింది. అయితే సినిమాలో తారక్ సరసన రొమాన్స్ చేసేది కేవలం నిత్య, సమంత మాత్రమే. మరో పాత్రకు భార్యగా విదిశ నటించనుంది. హీరోయిన్ పాత్రల నుంచి క్యారెక్టర్ రోల్స్ కు షిఫ్ట్ అయిన విదిశ…. జనతా గ్యారేజ్ కచ్చితంగా తనకు కలిసొస్తుందని భావిస్తోంది. కొరటాల శివ దర్శకత్వంలో ప్రస్తుతం ఈ సినిమా షూటింగ్ హైదరాబాద్ లో శరవేగంగా సాగుతోంది. ప్రస్తుతం సెట్స్ లో ఎన్టీఆర్ తో పాటు సమంత కూడా నటిస్తోంది.