ఘనంగా పీవీ సింధు పెళ్లి
భారత బ్యాడ్మింటన్ స్టార్ పీవీ సింధు వైవాహిక జీవితంలోకి అడుగుపెట్టింది.
భారత స్టార్ బ్యాడ్మింటన్ పీవీ సింధూ పెళ్లి ఘనంగా జరిగింది. రాజస్ధాన్‌లో ఉదయ్‌పూర్‌లో ఆదివారం రాత్రి పోసిడెక్స్‌ టెక్నాలజీస్‌ సంస్థ ఎగ్జిక్యూటివ్‌ డైరెక్టర్‌ వెంకట దత్త సాయితో వైవాహిక జీవితంలోకి అడుగుపెట్టింది. ఈ వేడుకకు దాదాపు 14ం మంది మంది అతిథులు హాజరైనట్లు టాక్. వీరి పెళ్లి ఫోటోలను ఇరువైపుల కుంటుంబ సభ్యులు విడుదల చేయలేదు. ఉదయ్ సాగర్ సరస్సులో 21 ఎకరాల్లో విస్తరించి ఉన్న ఒక దీవిలో పీసీ సింధు-వెంకట దత్తసాయి పెళ్లి జరిగింది. ఆరావళి పర్వతాల మధ్యలోని ఈ దీవిలోని వంద గదులతో రఫల్స్ సంస్థ ఈ భారీ రిసార్ట్ ను నిర్మించింది. అతిథులను పడవల్లో వివాహ వేదిక వద్దకు తీసుకెళ్లారు.
వారి కోసం 100 గదులను సింధు ఫ్యామిలీ బుక్ చేసినట్టు సమాచారం. ఈ రిసార్ట్ లో ఒక గదికి ఒక రోజు అద్దె రూ.1లక్ష వరకు ఉంటుందని సమాచారం.మంగళవారం హైదరాబాద్‌లో రిసెప్షన్‌ జరగనుంది. కేంద్ర మంత్రి గజేంద్రసింగ్ షెకావత్ ఈ వేడుకకు హాజరయ్యారు. ఆ ఫొటోను సోషల్ మీడియాలో పంచుకున్నారు.
