సచిన్‌‌కు వెడ్డింగ్ ఇన్విటేషన్ అందించిన పీవీ సింధు జంట
కాబోయే భర్తతో కలిసి పీవీ సింధు, సచిన్ టెండూల్కర్‌‌కు వెడ్డింగ్ ఇన్విటేషన్ అందించారు.
హైదరాబాద్ స్టార్ బ్యాడ్మింటన్ ప్లేయర్ పీవీ సింధూ వివాహ బంధంలోకి అడుగుపెడుతున్న సంగతి తెలిసిందే. తాజాగా తన పెళ్లి రావాలని పలువురు ప్రముఖులను ఆహ్వానిస్తున్నారు. ఈ నేపథ్యంలోనే భారత మాజీ క్రికెటర్ సచిన్‌‌కు పీవీ సింధు వెడ్డింగ్ ఇన్విటేషన్ అందించారు. కాబోయే భర్తతో కలిసి సచిన్‌ను కలిశారు. ఈ సందర్భంగా తమ వివాహానికి తప్పక హాజరు కావాలని సచిన్ ను కోరారు. కాగా హైదరాబాద్ మహానగరానికి చెందిన ఓ బిజినెస్ మాన్ తో పీవీ సింధు వివాహం ఈనెల 22న ఉదయ్‌పూర్‌లో జరగనుంది.
అనంతరం 24వ తేదీన హైదరాబాదులో రిసెప్షన్ కూడా నిర్వహించబోతున్నారని తెలిసింది. ఈ సందర్భంగా సచిన్ సోషల్‌ మీడియా వేదికగా ఫొటోను షేర్‌ చేశారు. త్వరలోనే వైవాహిక జీవితంలో అడుగుపెడుతున్న జంటకు వారిద్దరికీ శుభాకాంక్షలు తెలిపారు. పెళ్లికి రావాలని ఆహ్వానించినందుకు ధన్యవాదాలు తెలిపాడు. ఇద్దరూ జీవితాంతం అద్భుతమైన జ్ఞాపకాలతో ఆనందంగా ఉండాలని సచిన్ ఆకాంక్షించారు.
