తొలి టెస్ట్‌లో భారత్ ఘోర పరాజయం

బెంగళూరు చిన్న స్వామి స్టేడియంలో భారత్-న్యూజిలాండ్‌ మధ్య జరుగుతున్న తొలి టెస్ట్‌లో కివీస్ ఘన విజయం సాధించింది. ఆట ప్రారంభమైన తొలి ఓవర్‌లోనే కివీస్‌ బ్యాట్స్‌మెన్‌ టామ్‌ లాథమ్‌ను బుమ్రా బురిడీ కొట్టించాడు. రెండో బంతికే అతడిని వికెట్ల ముందు దొరకబట్టాడు. దీంతో ఖాతా తెరవకుండానే న్యూజిలాండ్‌ తొలి వికెట్‌ను కోల్పోయింది. 107 పరుగుల స్వల్ప లక్ష్యాంతో బరిలోకి దిగిన కివీస్ 2 వికెట్లు కోల్పోయి లక్ష్యాన్ని ఛేదించింది. న్యూజిలాండ్‌ బ్యాట్స్‌మెన్‌లో యంగ్ (45) రవీంద్ర(39) నాటౌట్‌గా నిలిచారు. భారత్ బౌలర్లలో బుమ్రా 2 వికెట్లు తీశారు.ఈ సిరీస్‌లో న్యూజిలాండ్ జట్టు 1-0 ఆధిక్యంలో నిలిచింది. తొలిరోజు ఆట ప్రారంభం కాలేదు. ఎందుకంటే రోజంతా వర్షం కురుస్తూనే ఉంది. రెండో రోజు టాస్‌ గెలిచి బ్యాటింగ్‌కు దిగిన భారత జట్టు 46 పరుగులకు ఆలౌటైంది. ఆ క్రమంలో భారత్ నుంచి ఏ ఆటగాడు కూడా రాణించలేకపోయాడు.

రిషబ్ పంత్ అత్యధికంగా 20 పరుగులు మాత్రమే చేశాడు. మొత్తం ఐదుగురు ఆటగాళ్లు 0 వద్ద తమ వికెట్లను కోల్పోయారు.అదే రోజు న్యూజిలాండ్ జట్టు బ్యాటింగ్‌కు దిగి రెండో రోజు మ్యాచ్ ముగిసే సమయానికి 180 పరుగులు చేసింది. ఇందులో డెవాన్ కాన్వే చేసిన 91 పరుగుల అద్భుతమైన ఇన్నింగ్స్ ఆడాడు. ఇక మూడో రోజు న్యూజిలాండ్‌ ఇన్నింగ్స్‌ను ప్రారంభించేందుకు రచిన్‌ రవీంద్ర, డారిల్‌ మిచెల్‌ వచ్చారు. రవీంద్ర 157 బంతుల్లో 134 పరుగుల ఇన్నింగ్స్ ఆడి చివరి వరకు నిలిచాడు. అతని ఇన్నింగ్స్‌లో 14 ఫోర్లు, 4 సిక్సర్లు బాదాడు. రాచిన్‌తో పాటు టిమ్ సౌథీ తన జట్టు తరఫున మొత్తం 65 పరుగులు చేశాడు. ఈ అద్భుత ఇన్నింగ్స్‌ల ఆధారంగా కివీస్ తొలి ఇన్నింగ్స్‌లో మొత్తం 402 ​పరుగులు చేసింది. భారత్ తరఫున కుల్దీప్ యాదవ్, రవీంద్ర జడేజా 3-3 వికెట్లు తీశారు.