శ్రీవారి లడ్డూను అపవిత్రం చేసివాళ్లు తిరుమలకు ఎందుకు?

తిరుమల దేవస్థానం ఎంతో పవిత్రమైందని, యావత్‌ ప్రపంచం నుంచి ఎంతోమంది భక్తులు వచ్చి స్వామి వారిని దర్శించుకుంటారని బీజేపీ గోషామహల్‌ ఎమ్మెల్యే రాజాసింగ్‌ అన్నారు. తిరుమల శ్రీవారి లడ్డూ ప్రసాదంలో కల్తీ ఘటనపై ఆయన మరోసారి స్పందించారు. లడ్డూలో కల్తీ నెయ్యి కలిపారని తెలిసి హిందువులు బాధపడుతున్నారని అన్నారు. టీటీడీ ఎంతో పవిత్రమైంది. నమ్మకం లేనప్పుడు హిందు దేవాలయాలకు ఎందుకు వెళ్తున్నారు? ప్రసాదాన్ని అపవిత్రం చేసినవాళ్లు తిరుమలకు వెళ్లి శ్రీవారిని దర్శనం చేసుకుంటామని అంటున్నారు. ఇది సరైనదేనా? అని వైసీపీ అధినేత జగన్‌ను ఉద్దేశించి రాజాసింగ్‌ ప్రశ్నించారు.