విడతల వారీగా సర్పంచుల బకాయిలు చెల్లింపు : శ్రీధర్‌బాబు

రాష్ట్రంలో సర్పంచుల బకాయిలను విడతల వారీగా చెల్లిస్తామని రాష్ట్ర ఐటీ శాఖ మంత్రి శ్రీధర్‌ బాబు తెలిపారు. అప్పుట్లో పీసీసీ అధ్యక్షుడిగా ఉన్న రేవంత్ రెడ్డి ఆందోళన చేసి.. సర్పంచులకు కాంగ్రెస్ పార్టీ తరఫున మద్దతు ఇచ్చారు. అప్పట్లో రాజకీయ ప్రయోజనాల కోసం రెచ్చగొడుతున్నారని శోకాలు పెట్టిన చరిత్ర బీఆర్‌ఎస్ పార్టీదన్నారు. సన్న రకం దాన్యంపై ప్రభుత్వం ప్రకటించిన 500 రూపాయల బోనస్ అర్హులైన ప్రతి రైతుకు అందాలని అన్నారు.

జిల్లా సరిహద్దులో పటిష్ఠ పర్యవేక్షణ చేయాలని ఇతర రాష్ట్రాల నుంచి ధాన్యం మన జిల్లాకు రాకుండా పటిష్ట చర్యలు తీసుకోవాలని అన్నారు.రైతుల నుంచి ఎలాంటి ఇబ్బందులు రాకుండా మద్దతు ధరకు ధాన్యం కొనుగోలు చేయాలని రాష్ట్ర, ఐటి, పరిశ్రమలు శాఖ మంత్రి దుద్దిళ్ల శ్రీధర్ బాబు అన్నారు. ఈ రోజు జయశంకర్ భూపాలపల్లి జిల్లాలో రాష్ట్ర ఐటి ,పరిశ్రమల శాఖ మంత్రి దుద్దిళ్ల శ్రీధర్ బాబు జిల్లా కలెక్టర్ రాహుల్ శర్మ తో కలిసి పర్యటించి,పలు ప్రారంభోత్సవాలు నిర్వహించారు.