యూజీసీ నెట్ ఎగ్జామ్‌ కొత్త డేట్స్ వచ్చేశాయ్

ఇవాళ జరగాల్సిన యూజీసీ నెట్ ఎగ్జామ్‌ను సంక్రాంతి పండుగ కారణంగా వాయిదా పడిన సంగతి తెలిసిందే.ఈ నేపధ్యంలో యూజీసీ పరీక్షల టైంను నేషనల్ టెస్టింగ్ ఏజెన్సీ రీషెడ్యూల్ చేసింది. ఈనెల 21న ఉదయం, 27న మధ్యాహ్నం సెషన్స్ లో ఈ పరీక్షలను నిర్వహించనున్నట్టు తాజాగా ఎన్టీఏ ప్రకటించింది. అభ్యర్థులు అడ్మిట్ కార్డ్స్ ను తమ అధికారక వెబ్సైట్ నుంచి మళ్ళీ డౌన్లోడ్ చేసుకోవాలని సూచించింది.మొత్తం 85 సబ్జెక్టులకు నిర్వహించే సీబీటీ ఆధారిత పరీక్ష నిర్వహణ బాధ్యతనుకి అప్పగించింది. ఈ పరీక్షకు సంబంధించి ఆన్‌లైన్‌లో నవంబర్‌ 19 నుంచి డిసెంబర్‌ 10 వరకు దరఖాస్తులు స్వీకరించిన విషయం తెలిసిందే. ఈ పరీక్షను ప్రతి సంవత్సరం రెండు సార్లు నిర్వహిస్తుంటారు.

జూనియర్‌ రిసెర్చ్‌ ఫెలోషిప్‌ అవార్డు, యూనివర్సిటీల్లో అసిస్టెంట్‌ ప్రొఫెసర్‌ పోస్టులకు పోటీపడేందుకు, పీహెచ్‌డీ ప్రవేశాలకు ఈ పరీక్ష నిర్వహిస్తారనే విషయం తెలిసిందే.పేపర్‌-1 పరీక్ష 50 ప్రశ్నలతో.. 100 మార్కులకు ఉంటుంది. అలాగే.. పేపర్‌-2 పరీక్ష 100 ప్రశ్నలతో.. 200 మార్కులకు ఉంటుంది. పరీక్ష కాల వ్యవధి 3 గంటలు ఉంటుంది. ఇక పేపర్‌-1లో రీజనింగ్‌ ఎబిలిటీ, రీడింగ్ కాంప్రహెన్షన్, డైరెర్జంట్‌ థింకింగ్‌, జనరల్‌ అవేర్‌నెస్‌ వంటి అంశాలపై ప్రశ్నలు ఉంటాయి. ఇక.. పేపర్-2లో అభ్యర్థి ఎంచుకున్న సబ్జెక్ట్ ఆధారంగా ప్రశ్నలు ఉంటాయి. లాంగ్వేజెస్‌ మినహా ప్రశ్నపత్రం ఇంగ్లిష్, హిందీలో ఉంటుంది. అన్‌రిజర్వ్‌డ్ కేటగిరీ అభ్యర్థులు పరీక్షలో ఉత్తీర్ణత సాధించడానికి కనీసం 40 శాతం మార్కులు సాధించాలి.