భర్త సంపాదనలోనే కాదు.. ఆస్తిలోనూ భార్యకు సమాన హక్కు.. - మద్రాసు హైకోర్టు
విదేశాలలో తాను కష్టపడి సంపాదించి పంపించిన డబ్బులతో కొనుగోలు చేసిన ఆస్తులన్నీ తన భార్య పేరిట ఉన్నాయ‌ని, వాటిని తన పేరిట మార్చాల‌ని కోరుతూ పిటీష‌న్‌దారు మద్రాసు హైకోర్టును ఆశ్రయించాడు.
భర్త సంపాదనలోనే కాదు.. కూడబెట్టిన ఆస్తిలో కూడా భార్యకు సమాన హక్కు ఉంటుందని మద్రాసు హైకోర్టు తేల్చి చెప్పింది. ఓ కేసు విష‌య‌మై శ‌నివారం ఇచ్చిన ఆదేశాల్లో ఈ విష‌యం స్పష్టం చేసింది. ఈ మేరకు న్యాయమూర్తి జస్టిస్ కృష్ణన్ రామస్వామి ఆదేశాలు జారీ చేశారు. ఓ భర్త వేసిన పిటిషన్ను ప‌రిశీలించిన న్యాయమూర్తి ఈ ఆదేశాలు ఇచ్చారు.
విదేశాలలో తాను కష్టపడి సంపాదించి పంపించిన డబ్బులతో కొనుగోలు చేసిన ఆస్తులన్నీ తన భార్య పేరిట ఉన్నాయ‌ని, వాటిని తన పేరిట మార్చాల‌ని కోరుతూ పిటీష‌న్‌దారు మద్రాసు హైకోర్టును ఆశ్రయించాడు. ఈ పిటిషన్ను విచారించిన న్యాయమూర్తి కృష్ణన్ రామస్వామి బెంచ్ వాదోప‌వాదాల అనంత‌రం స్పందిస్తూ.. గృహిణులు రోజుకు 24 గంటలూ శ్రమిస్తుంటారని, వారి సేవను వెలకట్టలేమని చెప్పారు. భర్త పనిచేసే 8 గంటలతో దీన్ని పోల్చలేమ‌ని స్పష్టం చేశారు. భర్త సంపాదనతో పాటు కూడబెట్టిన ఆస్తిలో కూడా భార్యకు సమాన హక్కు ఉం టుందని ఈ సంద‌ర్భంగా స్పష్టం చేశారు. అందువల్ల ఈ పిటీషన్‌ను తిరస్కరిస్తున్నట్టు న్యాయమూర్తి తెలిపారు.