Apple Days Sale | ఐ-ఫోన్ 15 సిరీస్ స‌హా ఆపిల్ ఉత్ప‌త్తుల‌పై బంప‌రాఫ‌ర్‌.. 17 వ‌ర‌కూ విజ‌య్ సేల్స్ ఆపిల్ డేస్ సేల్‌..!

Apple Days Sale | ఆపిల్- ఐఫోన్లంటే ప్ర‌తి ఒక్క‌రికీ మ‌క్కువే. ఎంతో ధ‌ర గ‌ల ఐ-ఫోన్లు కొనుక్కోవ‌డానికి ప్ర‌తి ఒక్క‌రూ ఆరాట ప‌డుతుంటారు. ఐ-ఫోన్ 15 సిరీస్, పాత ఐ-ఫోన్ మోడ‌ల్ ఫోన్లు త‌క్కువ ధ‌ర‌ల‌కు ల‌భిస్తాయి. ఆపిల్ డేస్ సేల్ పేరుతో విజ‌య్ సేల్స్ డిస్కౌంట్ ధ‌ర‌ల‌కే ప‌లు ఆపిల్ ఉత్పత్తులను అందిస్తోంది. ప్ర‌స్తుతం ఈ నెల 17 వ‌ర‌కూ విజ‌య్ సేల్స్ ఆపిల్ డే సేల్స్‌ కొన‌సాగుతాయి. ఐ-ఫోన్‌తోపాటు ఐపాడ్‌, మ్యాక్‌బుక్‌, ఆపిల్ వాచ్, ఎయిర్ పాడ్స్ త‌దిత‌ర ఉత్ప‌త్తులు త‌క్కువ ధ‌ర‌ల‌కు అందుబాటులో ఉండ‌టంతోపాటు వాటిని కొన్న వారికి లాయాల్టీ పాయింట్లు ల‌భిస్తాయి. సెలెక్టెడ్ పేమెంట్ మెథ‌డ్స్ ద్వారా కొనుగోలు చేసిన వారికి అద‌న‌పు ఆఫ‌ర్లు, బెనిఫిట్లు పొందొచ్చు. ఆపిల్ డేస్ సేల్స్‌లో ఐసీఐసీఐ బ్యాంక్‌, ఎస్బీఐ కార్డుల‌పై ఆపిల్ ఉత్ప‌త్తులు కొనుగోలు చేసిన వారికి రూ.10 వేల వ‌ర‌కూ ఇన్‌స్టంట్ డిస్కౌంట్ ల‌భిస్తుంది. రిటైల్ స్టోర్ల‌కు వ‌చ్చి కొనుగోలు చేసే క‌స్ట‌మ‌ర్లు.. ఎక్స్చేంజ్ బోన‌స్ రూపంలో రూ.12 వేల వ‌ర‌కూ క్యాషీఫై చేసుకోవ‌చ్చు.

ఐ-ఫోన్ 15 ఫోన్ ధ‌ర రూ.79,900, ఐ-ఫోన్ 15 ప్ల‌స్ ఫోన్ రూ.89,900ల‌కు ఆపిల్ ఆవిష్క‌రించింది. బ్యాంకు ఆఫ‌ర్ల‌తోపాటు ఐ-ఫోన్ 15 ఫోన్ రూ.64,900, ఐ-ఫోన్ 15 ప్ల‌స్ ఫోన్ రూ.74,290ల‌కు ల‌భిస్తాయి. వీటితోపాటు హ‌య్య‌ర్ ఎండ్ ఐ-ఫోన్ 15 ప్రో ఫోన్ రూ.1,23,990, ఐ-ఫోన్ 15 ప్రో మ్యాక్స్ రూ.1,45,990ల‌కే సొంతం చేసుకోవ‌చ్చు. ఐ-ఫోన్ 15 ప్రో ఫోన్ రూ.1,34,900, ఐ-ఫోన్ 15 ప్రో మ్యాక్స్ ఫోన్ రూ.1,54,900ల‌కు మార్కెట్‌లో ఆవిష్క‌రించింది ఆపిల్‌. ఆఫ‌ర్ల‌తోపాటు ఐ-ఫోన్ 14 ఫోన్ రూ.57,990, ఐ-ఫోన్ 14 ప్ల‌స్ ఫోన్ రూ.66,990, ఐ-ఫోన్ 13 ఫోన్ రూ.50,999ల‌కే సొంతం చేసుకోవ‌చ్చు.

డిస్కౌంట్ ధ‌ర‌ల‌తో క‌లిపి స్మార్ట్ ఫోన్ల‌తోపాటు నైన్త్ జెన్ ఐపాడ్ రూ.24,990, టెన్త్ జెన్ ఐపాడ్ రూ.29,900ల‌కు కొనుక్కోవ‌చ్చు. ఫిఫ్త్ జెన్ ఐపాడ్ ఎయిర్ రూ.45,490, 11-అంగుళాల ఐపాడ్ ఎయిర్ రూ.53 వేలు, 13 అంగుళాల ఐపాడ్ ఎయిర్ వేరియంట్ రూ.72 వేలు, 11 అంగుళాల ఐపాడ్ ప్రో రూ.91 వేలు, 13 అంగుళాల ఐపాడ్ ప్రో రూ.1,19,500ల‌కు కొనుక్కోవ‌చ్చు. ఎం3 చిప్‌తోపాటు 14 అంగుళాల మ్యాక్ బుక్ ప్రో రూ.1,47,890, ఆపిల్ వాచ్ సిరీస్ 9 రూ.36,600, ఎయిర్ పాడ్స్ ప్రో (సెకండ్ జెన్‌) రూ.21,090, ఆపిల్ హోం పాడ్ మినీ రూ.8,390ల‌కు ల‌భిస్తాయి. విజ‌య్ సేల్స్ వెబ్‌సైట్ ద్వారా డిస్కౌంట్ ధ‌ర‌కు ల‌భించే ఆపిల్ ఉత్ప‌త్తుల వివ‌రాలు తెలుసుకోవ‌చ్చు.