ప్రయాగ్‌రాజ్‌ తొక్కిసలాటలో 30 మంది మృతి : డీఐజీ

యూపీ ప్రయాగ్‌రాజ్‌లో బారికేడ్లు ధ్వంసం కావడం వల్లే తొక్కిసలాట జరిగిందని మహాకుంభ్‌ డీఐజీ వైభవ్‌కృష్ణ తెలిపారు. ఈఘటనలో 30 మంది మృతి చెందారని మరో 60 మందికి పైగా గాయపడినట్లు డీఐజీ తెలిపారు. అర్ధరాత్రి 1-2 గంటల మధ్య ఒకట్రెండు చోట్ల తొక్కిసలాట జరిగిందని మృతుల్లో 25 మంది ఆచూకీ గుర్తించామని.. మరో ఐదుగురిని గుర్తించాల్సి ఉందన్నారు.

ఇవాళ మహా కుంభమేళాకు వీఐపీలను ఎవరినీ అనుమతించలేదని వెల్లడించారు. వివరాలకు హెల్ప్‌లైన్‌ నంబర్‌ 1920ను సంప్రదించాలని డీఐజీ సూచించారు.