Vijay Deverakonda | వేసవికి విజయ్ దేవరకొండ మూవీ

అభిమానులు రౌడీ అని అభిమానంతో పిలుచుకొనే విజయ్ దేవరకొండ, గౌతమ్ తిన్ననూరి దర్శకత్వంలో సినిమా చేస్తున్నాడు. ఈ సినిమాకు ఇంకా పేరుపెట్టలేదు. కెరీర్ లో విజయ్ దేవరకొండకు ఇది 12వ చిత్రం.

వీళ్లిద్దరి కాంబోలో వస్తున్న తొలి సినిమా కావడంతో అంచనాలు బాగా ఉన్నాయి. ఇటీవల ఈ సినిమా చిత్రీకరణ శ్రీలంకలోని సుందరమైన ప్రదేశాల్లో జరిగింది. ఇప్పటిదాకా 60 శాతం చిత్రీకరణ పూర్తయింది. ఈ క్రమంలో చిత్ర విడుదల తేదీని ప్రకటించారు నిర్మాతలు.

2025, మార్చి 28వ తేదీన ప్రపంచవ్యాప్తంగా భారీ స్థాయిలో విడుదల కానుంది విజయ్ దేవరకొండ చిత్రం. అలాగే ఈ సినిమా టైటిల్ ను ఇదే నెలలో విడుదల చేయబోతున్నారు.

రాక్‌స్టార్ అనిరుధ్ రవిచందర్ ఈ చిత్రానికి సంగీతం అందిస్తున్నాడు. ఈ సినిమాలో ఖైదీగా, జైలర్ గా 2 డిఫరెంట్ గెటప్స్ లో కనిపించబోతున్నాడు విజయ్ దేవరకొండ.

సితార ఎంటర్‌టైన్‌మెంట్స్‌, ఫార్చూన్‌ ఫోర్ సినిమాస్‌ పతాకాలపై సూర్యదేవర నాగవంశీ, సాయి సౌజన్య ఈ చిత్రాన్ని అత్యంత భారీ స్థాయిలో నిర్మిస్తున్నారు. శ్రీకర స్టూడియోస్ ఈ చిత్రాన్ని సమర్పిస్తోంది.