టాలీవుడ్ స్టార్ డైరెక్టర్ మృతి

టాలీవుడ్‌లో మరో విషాదం జరిగింది. డైరెక్టర్ రచయిత అపర్ణ మల్లాది కన్నుమూశారు. క్యాన్సర్ మహమ్మారితో పోరాడుతూ ఆమె యూఎస్‌లో చికిత్స పొందుతూ తుది శ్వాస విడిచారు. ఆమె వయసు 54 ఏళ్లు. ది అను శ్రీ ఎక్స్‌పరిమెంట్’ అనే సినిమాతో ఇండస్ట్రీలో అడుగుపెట్టారు. తర్వాత తీసిన ‘పోష్ పోరిస్’ అనే వెబ్ సిరీస్ సూపర్ హిట్ సాధించింది. రెండేళ్ల కిందట ప్రిన్స్, అనీషా, భావన ప్రధాన పాత్రల్లో ‘పెళ్లి కూతురు పార్టీ’ అనే చిత్రాన్ని రూపొందించారు.

ఆమె పలు చిత్రాలకు కథలను కూడా అందించారు. ఆమె చేసింది తక్కువ సినిమాలే అయినా కేరాఫ్ ‘కంచరపాలెం’ లాంటి సినిమాలు తెరమీదకు రావడానికి ఆమె కృషి చాలా ఉందని సన్నిహితులు చెబుతున్నారు. ఎంతో మంది నటులకు సినీ అవకాశాలు రావడానికి కూడా ఆమె కారణమయ్యారని తెలుస్తోంది. ఫిల్మ్ ఇన్ స్టిట్యూట్ విద్యార్థులకు డైరెక్షన్ లోని మెళకువలు కూడా నేర్పించేవారు. ఆమె మరణంతో టాలీవుడ్ లో విషాదం నెలకొంది. పలువురు సినీ ప్రముఖులు ఆమె మృతి పట్ల దిగ్భ్రాంతిని వ్యక్తం చేశారు.