ఈ వారం ఓటీటీ సీనిమాలు, సిరీస్‌లివే
ఓటీటీల వేదికగా ఈ వారం సందడి చేయనున్న పలు సినిమాలు, వెబ్‌ సిరీస్‌లు
ఇటీవల కాలంలో కొన్నిసినిమాలు అటు థియేటర్ల తోపాటు ఓటీటీల్లోనూ ప్రేక్షకులను అలరిస్తున్నాయి. ఈ వారం ఓటీటీల వేదికగా పలు సినిమాలు సందడి చేయనున్నాయి. వీటికితోడు వెబ్‌ సిరీస్‌లు, టాక్‌ షో సిద్ధంగా ఉన్నాయి. ఏ ఓటీటీలో ఏది స్ట్రిమింగ్‌ కానున్నదో చూద్దామా మరి.
కిరణ్‌ అబ్బవరం, తన్వీ, నయన్‌ జంటగా నటించిన సస్పెన్స్‌ థ్రిల్లర్‌ 'క' మూవీ ఇప్పటికే ప్రేక్షకాదరణ పొందింది. ఈటీవీ విన్‌లో ఈ సినిమా స్ట్రీమింగ్‌ అవుతున్నది. అలాగే హెబ్బ పటేల్‌, సుమన్‌ తేజ్‌నటించిన సందేహం మూవీ ఈటీ విన్‌లో స్ట్రిమింగ్‌ అవుతున్నది.
బ్యాంకింగ్‌ మోసాల నేపథ్యంలో వచ్చిన లక్కీ భాస్కర్‌ అటు ప్రేక్షకుల సినీ ప్రముఖుల ప్రశంసలు అందుకున్నది. దుల్కర్‌ సల్మాన్‌, మీనాక్షి చౌదరీ జంటగా నటించిన ఈ మూవీ నెట్‌ప్లిక్స్‌ వేదికగా స్ట్రీమింగ్‌ అవుతున్నది.
నటుడు నిఖిల్‌, రుక్మిణీ వసంత్‌ కాంబినేషన్‌లో వచ్చిన 'అప్పుడో ఇప్పుడో ఎప్పుడో' మూవీ ప్రైమ్‌ వీడియోలో స్ట్రీమింగ్‌ అవుతున్నది.ప్రియదర్శి, శ్రీద, మణికందన్‌ తదితరులు నటించిన 'తప్పించుకు తిరుగువాడు ధన్యుడు సుమతి' మూవీ ఆహా లో స్ట్రీమింగ్‌ అవుతున్నది.రణదీప్‌, తమన్ననటించిన సికిందర్‌ క ముకద్దర్‌ సినిమా నెట్‌ఫ్లిక్స్‌లో నవంబర్‌ 29 నుంచి స్ట్రిమింగ్‌ కానున్నది. ఇక గణేశ్‌, మాళవిక నటించిన కృష్ణం ప్రణయ సఖి సన్‌ నెక్స్ట్‌ వేదికగా.. శక్తి రిత్విక్‌, ఇయల్‌ నటించిన పారాచూట్‌ డిస్నీ హాట్‌ స్టార్‌లో నవంబర్‌ 29న స్ట్రిమింగ్‌ అవుతాయి.
టోవిన్‌ థామస్‌ నటించిన మళయాల మూవీ 'నారదన్‌' అదే పేరుతో తెలుగులో ఓటీటీ వేదికగా ప్రేక్షకులను థ్రిల్‌ చేయడానికి సిద్ధమైంది. ఛానల్‌ రేటింగ్స్‌ పెంచడానికి జర్నలిస్టుగా అప్పుడే కెరీర్‌ ప్రారంభించిన హీరో ఎలాంటి ఒత్తిడి ఎదుర్కొన్నాడు? ఓ పొలిటిషియన్‌ కలిసిన తర్వాత అతని జీవితంలో వచ్చిన మార్పులేమిటి? అనే అంశాలతో డైరెక్టర్‌ ఆషిబ్‌ అబు ఈ సినిమాను తెరకెక్కించారు. అన్నా బెన్‌ హీరోయిన్‌. ఈ మూవీ ఆహా వేదికగా నవంబర్‌ 29 స్ట్రిమింగ్‌ కానున్నది.
ఇక వెబ్‌ సిరీస్‌ల విషయానికి వస్తే శ్రీమహా విష్ణువు దశావతారాల్లో మత్స్యావతారం ఒకటి. సత్యవ్రతుడికి చేప రూపంలో సాక్షాత్కరించి, ప్రళయం రాబోతున్నదని చెప్పి, పునఃసృష్టికి అవసరమైన ఔషధులు, బీజాలు వేసుకొని నావ ఎక్కమని చెబుతాడు. అలా మీన రూపంలో వచ్చి ప్రళయాంతం వరకు రక్షిస్తాడు. ఈ నేపథ్యంలో వచ్చిన ఆ వెబ్‌ సిరీస్‌ వికటకవి. నరేశ్‌ అగస్త్య, మేఘా ఆకాశ్‌ నటించిన ఇన్వెస్టిగేటివ్‌ థ్రిలింగ్‌ జీ 5 వేదిక స్ట్రీమింగ్‌ అవుతున్నది.