Sundeep Kishan | సందీప్ కిషన్ హీరోగా సైన్స్-ఫిక్షన్ సినిమా
Sundeep Kishan - ఏకే ఎంటర్ టైన్ మెంట్స్ బ్యానర్ పై ఓ సినిమా చేస్తున్నాడు సందీప్ కిషన్. ఇప్పుడు అదే బ్యానర్ పై మరో సినిమా ప్రకటించాడు.
హీరో సందీప్ కిషన్, డైరెక్టర్ విఐ ఆనంద్‌ దర్శకత్వంలో ఎకె ఎంటర్‌టైన్‌మెంట్స్‌లో చేస్తున్న సినిమా ‘ఊరు పేరు భైరవకోన’. ఇప్పుడు ఇదే బ్యానర్ పై మరో సినిమా చేయబోతున్నాడు సందీప్ కిషన్.
ప్రాజెక్ట్‌-జెడ్/మాయవన్ తర్వాత సందీప్ కిషన్‌తో కలిసి మరోసారి సినిమా చేయబోతున్నాడు దర్శకుడు సివి కుమార్. ప్రాజెక్ట్‌జెడ్/మాయవన్ వరల్డ్‌లో సెట్ చేయబడిన ఈ సైన్స్ ఫిక్షన్ యాక్షన్ థ్రిల్లర్ దీనికి సీక్వెల్. ఈ చిత్రానికి మాయావన్ అని టైటిల్ పెట్టారు.
ధర్మ ప్రొడక్షన్స్ మొదటి ఓటీటీ చిత్రం ‘గిల్టీ’తో తన నటనను ప్రారంభించి, ఆ తర్వాత విమర్శకుల ప్రశంసలు పొందిన కొన్ని ఓటీటీ సిరీసుల్లో నటించిన ఆకాంక్ష రంజన్ కపూర్.. ఈ చిత్రంలో సందీప్ కిషన్ కు జోడిగా నటించనుంది. మాయావన్ ఆమెకు తొలి సినిమా.
సూపర్‌ పవర్స్ ఉన్న ఓ విలన్‌తో ఒక సామాన్యుడు ఎలా తలపడ్డాడు అనే కోణంలో ఈ సినిమా సాగుతుంది. సెన్సేషనల్ కంపోజర్ సంతోష్ నారాయణన్ ఈ సినిమాకు సంగీతం అందించబోతున్నాడు. త్వరలోనే ఈ ప్రాజెక్టుపై మరిన్ని వివరాలు బయటకు రాబోతున్నాయి.