Sardar 2 | ఆ హీరోయిన్ కు మళ్లీ ఛాన్స్

హీరో కార్తి ‘సర్దార్’ సినిమా తమిళం, తెలుగు భాషల్లో బ్లాక్ బస్టర్ హిట్టయింది. ప్రస్తుతం సర్దార్ 2 షూటింగ్ శరవేగంగా జరుగుతోంది. ప్రీక్వెల్‌కి దర్శకత్వం వహించిన పిఎస్ మిత్రన్ సర్దార్ 2కి దర్శకత్వం వహిస్తున్నాడు. ప్రిన్స్ పిక్చర్స్ బ్యానర్ పై తెరకెక్కుతున్న ఈ సినిమాలో మాళవిక మోహనన్, ఆషికా రంగనాథ్ హీరోయిన్లుగా నటిస్తుండగా ఎస్ జె సూర్య ఓ పవర్ ఫుల్ పాత్రలో కనిపిస్తున్నారు.

తాజాగా మేకర్స్ మరో క్రేజీ అప్డేట్ ఇచ్చారు. ‘సర్దార్’ లో ఆకట్టుకున్న రజిషా విజయన్ ఇప్పుడు ‘సర్దార్ 2’లో కూడా ఎంపికైంది. ఈ విషయాన్ని మేకర్స్ ప్రకటించారు. ఆమెకు స్వాగతం చెబుతూ పోస్టర్ రిలీజ్ చేశారు.

సర్దార్ 2 భారీ బడ్జెట్‌తో తెరకెక్కుతోంది. టాప్ టెక్నిషియన్స్ పని చేస్తున్నారు. సర్దార్ 2 చిత్రానికి యువన్ శంకర్ రాజా సంగీతం అందించనున్నారు. జార్జ్ సి విలియమ్స్ ఫోటోగ్రాఫర్. దిలీప్ సుబ్బరాయన్ స్టంట్ డైరెక్టర్.

సర్దార్ లో కార్తి సరసన హీరోయిన్ గా రాశీఖన్నా నటించింది. సీక్వెల్ లో మాత్రం ఆమెకు అవకాశం దక్కలేదు. ఆమె స్థానంలో మాళవిక మోహనన్ ను తీసుకున్నట్టున్నారు.