మీతో వర్క్‌ చేయడం అందమైన అనుభూతిని పంచింది
థ్యాంక్యూ మై డియర్‌. మీ మాటలు నా మనసును తాకాయన్న బన్నీ
నటనతో, డ్యాన్సులతో కుర్రకారు ఆకట్టుకున్న నటి శ్రీలీల ప్రస్తుతం 'పుష్ప ది రూల్‌' భాగమైన సంగతి తెలిసిందే. అల్లు అర్జున్‌ హీరోగా, సుకుమార్‌ డైరెక్షన్లో వస్తున్న ఈ మూవీలో ఆమె 'కిస్సిక్‌' అనే ఐటమ్‌ సాంగ్‌లో భాగమయ్యారు. ఇటీవల షూట్‌లోనూ పాల్గొన్నారు. ఈ క్రమంలోనే దీనిపై స్పందించిన శ్రీలీల అల్లు అర్జున్‌తో వర్క్‌ చేయడం తనకెంతో ఆనందాన్ని ఇచ్చిందని పేర్కొన్నారు. ఈ మేరకు ఆయనకు సర్‌ప్రైజ్‌ గిఫ్ట్‌ పంపారు.
'టు బన్నీ సర్‌.. ప్రేమ, గౌరవంతో ఈ నోట్‌ మీకు పంపిస్తున్నాను. మీతో వర్క్‌ చేయడం నాకెంతో అందమైన అనుభూతిని పంచింది. నాకు ఎప్పటికీ గుర్తుండిపోయే అనుభూతిని అందించినందుకు ధన్యవాదాలు. నిజం చెబుతున్నా ఈ ఐదారు రోజులు నాకు ఒక క్రాష్‌ కోర్సులా ఉన్నది. ఇది ఆరంభం మాత్రమే. మీకు, మీ కుటుంబానిక నా ప్రేమాభినందనలు' అని రాసుకొచ్చారు. తగ్గేదేలే, శ్రీవల్లి, సామి, వైల్డ్‌ ఫైర్‌ వంటి హ్యాష్‌ ట్యాగ్స్‌ జత చేశారు. దీనికి సంబంధించిన ఫొటోలను అల్లు అర్జున్‌ ఇన్‌స్టా వేదికగా షేర్‌ చేశారు. 'థ్యాంక్యూ మై డియర్‌. మీ మాటలు నా మనసును తాకాయి.. నువ్వు మరెన్నో విజయాలు అందుకోవాలి' అని తెలిపారు. అంతేకాకుండా శ్రీలీలను డ్యాన్సింగ్‌ క్వీన్‌ అని పేర్కొన్నారు.
'పుష్ప ది రైజ్‌'కు కొనసాగింపుగా 'పుష్ప ది రూల్‌' తెరకెక్కింది. అల్లు అర్జున్‌ సరసన శ్రీవల్లిగా రష్మిగా మరోసారి సందడి చేయనున్నారు. పార్ట్‌-1లో కనిపించిన కీలక పాత్రధారులంతా పార్ట్‌-2లోనూ భాగమయ్యారు. ఈ మూవీ షూటింగ్‌ దాదాపు పూర్తయ్యింది. ఇదే విషయాన్ని రష్మిక వెల్లడించారు. షూట్‌ ఎంతో సరదగా గడిచిందని, టీమ్‌ను మిస్‌ కావడం బాధగా ఉందన్నారు. ఇందులో 'కిస్సిక్‌' అనే పాట కోసం శ్రీలీలను తీసుకున్నారు. ఈ పాటకు గణేశ్‌ ఆచార్య కంపోజ్‌ చేసినట్లు తెలుస్తోంది. శ్రీలీలతో కలిసి అల్లు అర్జున్‌ చేసిన డ్యాన్స్‌, ఆయన శ్వాగ్‌ ప్రేక్షకులను ఉర్రూతలూగిస్తుందని సినీ వర్గాలు చెబుతున్నాయి.