బాస్‌ నుంచి ప్రశంసలు..ఎప్పటికీ గుర్తుపెట్టుకుంటా
హీరో కిరణ్‌ అబ్బవరం నటించిన 'క' మూవీ టీమ్‌ను మెచ్చుకున్న మెగాస్టార్‌
హీరో కిరణ్‌ అబ్బవరం 'క' మూవీతో విజయాన్ని అందుకున్నారు. ఫాంటసీ థ్రిల్లర్‌గా తెరకెక్కిన ఈ మూవీ దీపావళి కానుకగా విడుదలై ఘన విజయాన్ని అందుకున్నది. ఈ నేపథ్యంలో అగ్ర హీరో మెగాస్టార్‌ చిరంజీవి చిత్ర బృందాన్ని మెచ్చుకున్నారు. ఆదివారం తన నివాసంలో వారిని ప్రత్యేకంగా కలిశారు. సుజీత్, సందీప్‌ మేకింగ్‌ స్టైల్‌, నటీనటులను ప్రశంసించారు. ఈ విషయాన్ని తెలుపుతూ.. కిరణ్‌ అబ్బవరం తాజాగా ఎక్స్‌ వేదికగా కొన్ని ఫొటోలు షేర్‌ చేశారు.
'బాస్‌ నుంచి ప్రశంసలు.. సుమారు గంట పాటు మా కోసం టైమ్‌ కేటాయించి .. ఎన్నో గొప్ప విషయాలు పంచుకున్నందుకు థాంక్యూ చిరంజీవి గారు..ఈ భేటీని ఎప్పటికీ గుర్తుపెట్టుకుంటా. మిమ్మల్ని కలిసిన ప్రతిసారీ నాకెంతో ప్రత్యేకంగా అనిపిస్తుంది' అని పేర్కొన్నారు.
వాసుదేవ్‌ అనే వ్యక్తి ప్రయాణాన్ని తెలిపే విధంగా 'క' సినిమాను రూపొందించారు. 1970 బ్యాక్‌ డ్రాప్‌లో తెరకెక్కించారు. సుజీత్, సందీప్‌ సంయుక్తంగా డైరెక్ట్‌ చేశారు. తన్వీరామ్‌ హీరోయిన్‌. కిరణ్‌ అబ్బవరం నటించిన మొదటి పాన్‌ ఇండియా మూవీ ఇదే. ఈ సినిమా తమకు నచ్చిందని.. క్లైమాక్స్‌ను అసలు ఊహించలేకపోయానని బన్నీ వాస్‌ తెలిపారు. ప్రముఖ నిర్మాతలు అల్లు అరవింద్‌, దిల్‌రాజు సహా సినీ ప్రముఖలంతా మూవీ విజయం సాధించడం పట్ల విషెస్‌ చెబుతున్నారు.