NagaShaurya | మరో సినిమా ప్రకటించిన శౌర్య

నాగశౌర్య నుంచి సినిమా వచ్చి చాలా కాలమౌతోంది. వరుసగా ఫ్లాపులు రావడంతో ఈ హీరో సైలెంట్ అయ్యాడు. మంచి స్క్రిప్ట్ కోసం గ్యాప్ తీసుకున్నాడు. ఇప్పుడా టైమ్ రానే వచ్చింది. తాజా సమాచారం ప్రకాం, 2 స్క్రిప్ట్స్ ను నాగశౌర్య లాక్ చేసినట్టు తెలుస్తోంది.

నాగశౌర్య ఓకే చెప్పిన 2 కథల్లో ఒకటి రంగబలి దర్శకుడిది. అతడే పవన్ బాసంశెట్టి. ఇతడ్ని రంగబలి సినిమాతో దర్శకుడిగా పరిచయం చేశాడు శౌర్య. ఇప్పుడు ఇదే దర్శకుడితో మరో సినిమాకు రెడీ అవుతున్నాడు.

నిజానికి రంగబలి హిట్ కాదు. కానీ పవన్ దర్శకత్వ ప్రతిభపై శౌర్యకు గురి కుదిరింది. మంచి కథ సెట్ అయితే పవన్ పెద్ద హిట్టిస్తాడనే నమ్మకం ఏర్పడింది. అటు పవన్ కూడా ఏడాదిగా స్క్రిప్ట్ పై వర్క్ చేస్తున్నాడు.

పూర్తిస్థాయిలో వినోదాన్ని పంచే స్క్రిప్ట్ రాసుకొచ్చాడు. ఇప్పటి ట్రెండ్ కు తగ్గట్టు దీనికి కాస్త పౌరాణికం టచ్ కూడా ఇచ్చాడట. ఈ స్క్రిప్ట్ కు నాగశౌర్య ఓకే చెప్పాడు. ఈ నెలాఖరుకు ఈ సినిమాను ప్రకటించే ఛాన్స్ ఉంది. ఈ ఏడాది చివర్లో లేదా వచ్చే ఏడాది నుంచి ఈ సినిమా రెగ్యులర్ షూట్ మొదలవుతుంది.