బాలకృష్ణ ప్రకటనల్లో కనిపించని జూనియర్ ఎన్టీఆర్..ఫ్యాన్స్ రచ్చ

నందమూరి బాలకృష్ణకు పద్మభూషణ్ అవార్డు రావడంతో అభినందనలు తెలుపుతూ పేపర్ ప్రకటన ఇచ్చారు అందులో జూనియర్ ఎన్టీఆర్, కళ్యాణ్ రామ్ పేర్లు లేకపోవడంతో ఎన్టీఆర్ ఫ్యాన్స్‌లో రచ్చలేపింది. జూనియర్ ఎన్టీఆర్, కళ్యాణ్ రామ్ మీద ఎందుకింత వివక్ష అంటూ వారి అభిమానులు ప్రశ్నిస్తున్నారు. ఎన్నిసార్లు వారికి అవమానాలను..వారిని ఇంకెంతకాలం దూరం పెడుతారంటూ అసహనం వ్యక్తం చేస్తున్నారు. బాలకృష్ణకు అభినందనల పేపర్ ప్రకటన చూస్తే నందమూరి ఫ్యామిలీలో విబేధాలకు నిదర్శనమని..ముఖ్యంగా జూనియర్ ఎన్టీఆర్ పట్ల చూపుతున్న వివక్షతకు ఈ ప్రకటన అద్ధం పట్టిందని అభిమానులు చర్చించుకుంటున్నారు.

అలాగే ప్రకటనలో కళ్యాణ్ రామ్ , జూనియర్ ఎన్టీఆర్ ల తండ్రి హరికృష్ణ పేరుతో సతీమణిగా లక్ష్మి పేరు పెట్టగా..జూనియర్ ఎన్టీఆర్ తల్లి పేరు మాత్రం పెట్టకపోవడాన్ని జూనియర్ ఫ్యాన్స్ ఎత్తి చూపుతున్నారు. ఈ వ్యవహారం చూస్తే అల్లు అర్జున్ నటించిన పుష్ప సినిమా స్టోరీ గుర్తు కొస్తుందని..ఆ సినిమా స్టోరీ అంతా కూడా ఇంటిపేరు మీదనే సాగిందంటూ మరికొందరు నెటిజన్లు కామెంట్లు పెట్టారు. దివంగత తారకరత్న పేరు కూడా పెట్టనప్పటికి ఆయన తల్లిదండ్రులుగా నందమూరి మోహన కృష్ణ, శాంతిల పేర్లు పెట్టడం గమనార్హం. హరికృష్ణ కుమార్తె నందమూరి సుహసిని పేరు కూడా లేదు.