Kalki Movie | బుజ్జి థీమ్ మ్యూజిక్ హిట్

ప్రభాస్ నటించిన సైన్స్ ఫిక్షన్ యాక్షన్ మూవీ కల్కి. ఈ సినిమా నుంచి కొన్ని రోజుల కిందట బుజ్జిని ఆవిష్కరించారు. బుజ్జి అంటే సినిమాలో కారు పేరు. కల్కిలో ప్రభాస్ యాక్షన్ కు పార్టనర్ ఇదే. భైరవగా ప్రభాస్ తన లక్ష్యాన్ని చేరుకోవడానికి బుజ్జి సహాయపడుతుంది.

ఈ పాత్రకు కీర్తిసురేష్ డబ్బింగ్ చెప్పిన సంగతి తెలిసిందే. బుజ్జి పేరిట కారు రిలీజ్ చేసినప్పుడు దేశవ్యాప్తంగా సంచలనం సృష్టించింది. ఈ కారును ప్రభాస్ తో పాటు, రియల్ లైఫ్ లో నాగచైతన్య, ఎఫ్-1 రేసర్ నరైన్ కార్తికేయన్ నడిపి, ప్రత్యేకంగా మెచ్చుకున్నారు.

ఈ సందర్భంగా బుజ్జికి సంబంధించి ఇంకో ఎలిమెంట్ కూడా వైరల్ అయింది. బుజ్జి వీడియోలో నేపథ్య సంగీతం సోషల్ మీడియాలో సూపర్ హిట్టయింది. సంతోష్ నారాయణన్ స్వరపరిచిన ఈ ట్యూన్, అందర్నీ అలరిస్తోంది.

దీంతో బుజ్జి థీమ్ సాంగ్ ను సెపరేట్ గా విడుదల చేశారు మేకర్స్. ప్రస్తుతం ఈ థీమ్ మ్యూజిక్ వైరల్ అవుతోంది. చాలామంది దీన్ని తమ రింగ్ టోన్ గా పెట్టుకుంటున్నారు.

నాగ్ అశ్విన్ దర్శకత్వంలో వైజయంతీ మూవీస్‌ బ్యానర్ పై తెరకెక్కుతోంది కల్కి సినిమా. తాజాగా సినిమా షూటింగ్ పూర్తయింది. వచ్చేనెల 27న విడుదల కానుంది కల్కి.