తమిళనాడులో ఫాక్స్‌ కాన్‌ రూ.13,180 కోట్ల పెట్టుబడి

ఎలక్ట్రానిక్స్‌ తయారీ దిగ్గజ సంస్థ ఫాక్స్‌ కాన్‌ తమిళనాడులో రూ.13,180 కోట్ల పెట్టుబడి పెట్టనుంది. మంగళవారం సీఎం స్టాలిన్‌ అధ్యక్షతన నిర్వహించిన కేబినెట్‌ సమావేశంలో ఫాక్స్‌ కాన్‌ పెట్టుబడులకు ఆమోదముద్ర వేశారు. తమిళనాడులో 14 కొత్త పరిశ్రమల స్థాపనకు ఆ రాష్ట్ర కేబినెట్‌ ఆమోదం తెలిపింది. ప్రింటెడ్‌ సర్క్యూట్‌ బోర్డులు, డిఫెన్స్‌, ఫార్మా, నాన్‌ లెదర్‌ ఫుట్‌వేర్‌, రెనెవబుల్‌ ఎనర్జీ, టెలికాం రంగాల్లో ఈ పెట్టుబడులు రానున్నాయి. కొత్త పరిశ్రమలతో తమ రాష్ట్రంలో 46,931 ఉద్యోగాలు వస్తాయని కేబినెట్‌ వెల్లడించింది. తమిళనాడులోని రానిపట్‌ లో టాటా మోటార్స్‌, కాంచిపురంలో ఫాక్స్‌ కాన్‌ అనుబంధ పరిశ్రమలు రాబోతున్నాయని పేర్కొన్నది.