కన్నీరు పెట్టుకున్న మహిళలు.. మంచి రోజులొస్తాయన్న జగన్
జగన్ ని చూసేందుకు, ఆయన్ను నేరుగా కలిసేందుకు రెండు రోజుల్లో దాదాపు 5వేల మంది వివిధ జిల్లాలనుంచి పులివెందులకు వచ్చినట్టు వైసీపీ నేతలు చెబుతున్నారు.
పులివెందుల వచ్చిన జగన్ ని చూసేందుకు రాయలసీమలోని నాలుగు జిల్లాలనుంచి జనం పెద్ద సంఖ్యలో వస్తున్నారని తెలుస్తోంది. వచ్చినవాదంర్నీ ఓపిగ్గా పేరు పేరునా పలకరిస్తూ అందరి యోగక్షేమాలు అడిగి తెలుసుకుంటున్నారు జగన్. టీడీపీ దాడుల గురించి, ఆస్తుల విధ్వంసం గురించి కొంతమంది జగన్ కి ఫిర్యాదులు చేశారు. మంచిరోజులొస్తాయని, అధైర్య పడొద్దని వారికి జగన్ సూచించారు.
విలపించిన మహిళలు..
ఓట్లన్నీ మన పార్టీకే వేశాం, అయినా మన ప్రభుత్వం రాలేదంటూ కొందరు మహిళలు జగన్ ని చూసి కన్నీటి పర్యంతం అయ్యారు. వారందర్నీ ఓదార్చిన ఆయన.. ధైర్యంగా ఉండాలని భరోసా ఇచ్చారు. త్వరలో తాను యాత్ర చేపట్టబోతున్నట్టు వారికి చెప్పారు. రేపు(సోమవారం) మధ్యాహ్నం వరకు జగన్ పులివెందులలో ప్రజలకు అందుబాటులో ఉంటారు.
మా నమ్మకం నువ్వే జగన్..
జగన్ ని చూసేందుకు, ఆయన్ను నేరుగా కలిసేందుకు రెండు రోజుల్లో దాదాపు 5వేల మంది వివిధ జిల్లాలనుంచి పులివెందులకు వచ్చినట్టు వైసీపీ నేతలు చెబుతున్నారు. జగన్ పై ప్రజల్లో ఉన్న అభిమానం ఏమాత్రం చెక్కు చెదరలేదంటున్నారు. ఆయనకోసం వస్తున్న జనాలే దానికి నిదర్శనం అంటున్నారు. తన పర్యటన అనంతరం జగన్ మీడియాతో మాట్లాడతారా లేక నేరుగా విజయవాడకు వస్తారా అనేది వేచి చూడాలి.