ఏపీలో కోరమాండల్‌ రూ.1000 కోట్ల పెట్టుబడి
మొత్తంగా 20 లక్షల టన్నుల ఉత్పత్తి సామర్థ్యంతో కాకినాడ సమీపంలో నిర్మిస్తున్న ఈ ఫాస్పాటిక్‌ ఫెర్టిలైజర్ ప్లాంటు దేశంలోనే రెండో అతిపెద్దది.
ఎరువుల తయారీలో దిగ్గజ సంస్థగా పేరొందిన కోరమాండల్‌.. ఆంధ్రప్రదేశ్‌లో పెట్టుబడులు పెట్టేందుకు ముందుకు వచ్చింది. కాకినాడ సమీపంలో దాదాపు రూ.1000 కోట్లతో ఫాస్ఫరిక్‌ యాసిడ్–సల్ఫరిక్ యాసిడ్ కాంప్లెక్స్‌ ఫెసిలిటీ నిర్మాణ పనులను ప్రారంభించింది. రెండేళ్ల వ్యవధిలో ఈ ప్రాజెక్టును పూర్తి చేయనున్నట్లు ఆ సంస్థ ప్రకటించింది.
ఫాస్పారిక్‌ యాసిడ్ అండ్ సల్ఫరిక్ యాసిడ్‌లను DAP, NPK లాంటి ఎరువుల తయారీలో విరివిగా వాడుతారు. రోజుకు 650 టన్నుల ఫాస్పరిక్ యాసిడ్‌తో 1800 టన్నుల సల్ఫరిక్ యాసిడ్‌ను ఈ ప్లాంట్ ద్వారా ఉత్పత్తి చేయనున్నారు.
మొత్తంగా 20 లక్షల టన్నుల ఉత్పత్తి సామర్థ్యంతో కాకినాడ సమీపంలో నిర్మిస్తున్న ఈ ఫాస్పాటిక్‌ ఫెర్టిలైజర్ ప్లాంటు దేశంలోనే రెండో అతిపెద్దది. ప్రస్తుతం కోరమాండల్‌కు వైజాగ్‌తో పాడు ఎన్నూర్‌లో ఫెర్టిలైజర్ ప్లాంట్స్ ఉన్నాయి. దేశంలో తయారయ్యే NPK - (నైట్రోజన్, ఫాస్పరస్, పోటాషియం) ఎరువుల్లో 15 శాతం ఇక్కడే ఉత్పత్తి కానున్నాయి.