జ్యూరిచ్‌ ఎయిర్‌పోర్టులో చంద్రబాబు, రేవంత్‌ మాటమంతి

దావోస్‌లో ప్రపంచ ఆర్థిక సదస్సులో పాల్గొనడానికి వెళ్లిఏ ఏపీ, తెలంగాణ రాష్ట్రాల సీఎంలు స్విట్జర్లాండ్‌లోని జ్యూరిచ్‌ ఎయిర్‌పోర్టులో కలుసుకున్నారు. ఏపీ సీఎం చంద్రబాబు, తెలంగాణ సీఎం రేవంత్‌రెడ్డి అక్కడ కొద్దిసేపు ముచ్చటించుకున్నారు. రేవంత్‌రెడ్డి వెంట తెలంగాణ ఐటీ మంత్రి శ్రీధర్‌బాబు ఉన్నారు.

మరోవైపు జ్యురిచ్‌ చేరకున్న చంద్రబాబు బృందానికి ఎయిర్‌పోర్టులో యూరప్‌ టీడీపీ ఫోరం సభ్యులు, ఎన్‌ఆర్‌ఐలు ఘనస్వాగతం పలికారు. చంద్రబాబు వెంట కేంద్ర మంత్రి రామ్మోహన్‌నాయుడు, రాష్ట్ర మంత్రులు నారా లోకేశ్‌, టీజీ భరత్‌, అధికారులు ఉన్నారు. చంద్రబాబు, లోకేశ్‌తో ఎన్‌ఆర్‌ఐ టీడీపీ నేతలు ఫొటోలు దిగారు. నేడు జ్యురిచ్‌లో పెట్టుబడిదారులతో సీఎం చంద్రబాబు బృందం సమావేశం కానున్నది.