తేజ దర్శకత్వంలో విక్రమాదిత్య

ప్రస్తుతం రెండు ప్రాజెక్టులతో బిజీగా ఉన్నారు దర్శకుడు తేజ. తన పుట్టినరోజు సందర్భంగా తేజ తన డ్రీమ్ ప్రాజెక్ట్ 'విక్రమాదిత్య'ను ప్రకటించారు. భవ్య సమర్పణలో లక్ష్మీ నరసింహ ప్రొడక్షన్స్‌ పతాకంపై నల్లమలుపు శ్రీనివాస్ (బుజ్జి) ప్రతిష్టాత్మకంగా ఈ ప్రేమకథను నిర్మించనున్నారు. భారీ బడ్జెట్ ఎంటర్‌టైనర్‌లను తెరకెక్కించడంలో పేరున్న నిర్మాత కావ‌డంతో 'విక్రమాదిత్యను' భారీ స్థాయిలో తెరకెక్కించనున్నారు.

రైలు ఆవిరిలో నుండి హీరో హీరొయిన్లు రొమాన్స్ చేస్తున్న‌ట్లు చూపించారు. ఈ తరహా క్లాసిక్ ప్రేమ‌క‌థ‌ల‌ను తెరపై తొలిసారిగా చూడబోతున్నామని. ఈ కథ 1836 సంవత్సరంలోనిదని అంటున్నారు మేకర్స్. అదే విషయాన్ని పోస్టర్ లో కూడా పెట్టారు. ఇదే స‌మ‌యంలో సర్ ఆర్థర్ కాటన్ ధ‌వ‌లేశ్వరం బ్యారేజీని నిర్మించాడు. ఈ క‌థ ఆ కాలం నాటిద‌ని ఆ వంతెన‌కు ఈ ప్రేమ కథకు మధ్య సంబంధం ఉంద‌ని తెలుస్తోంది.

విక్రమాదిత్య షూటింగ్ 22:2:22 మధ్యాహ్నం 2:22 గంటలకు శుభ ముహూర్తంలో ప్రారంభ‌మైంది. ఆసక్తికరంగా తేజ తీసిన బ్లాక్ బస్టర్ జయం మూవీ షూటింగ్ కూడా సరిగ్గా 20 సంవత్సరాల క్రితం అదే సమయంలో ప్రారంభమైంది. ఈ ప్రాజెక్టుకు సంబంధించి మరో ఇంట్రెస్టింగ్ మేటర్ ఏంటంటే.. ఈ సినిమాలో హీరోగా నటిస్తోంది స్వయానా తేజ తనయుడే అని సమాచారం.