టీటీడీ చైర్మన్గా వైవీ సుబ్బారెడ్డి కొనసాగింపు..!
ఇవాళ ఏపీ ప్రభుత్వం నామినేటెడ్ పదవులను భర్తీ చేసింది. పలు కార్పొరేషన్లకు చైర్మన్లు, డైరెక్టర్లను నియమించింది. ఏపీ ప్రభుత్వ సలహాదారు సజ్జల రామకృష్ణారెడ్డి ఈ మేరకు మీడియాకు వివరాలు వెల్లడించారు. అయితే ఈసారి జోడు పదవుల విధానానికి ఏపీ ప్రభుత్వం స్వస్తి పలికింది. మరోవైపు నామినేటెడ్ పదవుల్లో సామాజిక సమీకరణాలు పాటించారు. ముఖ్యంగా స్త్రీలకు పెద్దపీట వేశారు. ఇదిలా ఉంటే టీటీడీ చైర్మన్గా వైవీ సుబ్బారెడ్డిని కొనసాగించారు. వైవీ సుబ్బారెడ్డి పదవీకాలం ముగియడంతో.. ఆయనను రాజ్యసభకు పంపిస్తారని […]
ఇవాళ ఏపీ ప్రభుత్వం నామినేటెడ్ పదవులను భర్తీ చేసింది. పలు కార్పొరేషన్లకు చైర్మన్లు, డైరెక్టర్లను నియమించింది. ఏపీ ప్రభుత్వ సలహాదారు సజ్జల రామకృష్ణారెడ్డి ఈ మేరకు మీడియాకు వివరాలు వెల్లడించారు. అయితే ఈసారి జోడు పదవుల విధానానికి ఏపీ ప్రభుత్వం స్వస్తి పలికింది. మరోవైపు నామినేటెడ్ పదవుల్లో సామాజిక సమీకరణాలు పాటించారు. ముఖ్యంగా స్త్రీలకు పెద్దపీట వేశారు. ఇదిలా ఉంటే టీటీడీ చైర్మన్గా వైవీ సుబ్బారెడ్డిని కొనసాగించారు.
వైవీ సుబ్బారెడ్డి పదవీకాలం ముగియడంతో.. ఆయనను రాజ్యసభకు పంపిస్తారని వార్తలు వచ్చాయి. ఆయన మళ్లీ రాజకీయాల్లో యాక్టివ్ కాబోతున్నారని కూడా ఊహాగానాలు వినిపించాయి. కానీ ప్రభుత్వం ఆయన పదవీ కాలాన్ని పొడిగించింది. మొత్తం 135 పోస్టుల్లో మహిళలకు 68, పురుషులకు 67 పోస్టులను ప్రభుత్వం కేటాయించింది.
రోజాకు నిరాశ..!
ఏపీఐఐసీ చైర్మన్ గా మెట్టు గోవిందరెడ్డిని ప్రభుత్వం నియమించింది. ఇప్పటివరకు నగరి ఎమ్మెల్యే రోజా ఈ పదవిలో కొనసాగిన విషయం తెలిసిందే. జోడు పదవులు ఇవ్వొద్దన్న నిబంధనతో ప్రభుత్వం ఈ నిర్ణయం తీసుకున్నది. దీంతో ఎమ్మెల్యే రోజాకు నిరాశే ఎదురైంది. జగన్ అధికారంలోకి వచ్చాక.. ఆమెకు మంత్రి పదవి వస్తుందని అంతా ఆశించారు. కానీ అనూహ్యంగా ఆమెకు పదవి దక్కలేదు. దీంతో రోజా కినుక వహించారు.
వైసీపీ అధిష్ఠానం ఆమెకు ఏపీఐఐసీ పదవిని కట్టబెట్టింది. ప్రస్తుతం ఆ పదవి నుంచి కూడా తప్పించారు. అయితే రెండున్నర ఏళ్ల తర్వాత మంత్రి వర్గ పునర్వ్యస్థీకరణ ఉంటుందని.. 80 శాతం మందిని తప్పించి వారి స్థానంలో కొత్తవారికి అవకాశం ఇస్తామని సీఎం జగన్ గతంలో ప్రకటించారు. అయితే ఆ ప్రాతిపదికన అయినా రోజాకు మంత్రి పదవి దక్కుతుందేమో వేచి చూడాలి.
బైరెడ్డికి కీలక పదవి..!
నందికొట్కూరు నియోజకవర్గానికి చెందిన యువనేత బైరెడ్డి సిద్ధార్థ్రెడ్డి.. ఆకట్టుకొనే ప్రసంగాలతో ఫేమస్ అయ్యారు. నందికొట్కూరు ఎస్సీ రిజర్వ్డ్ స్థానం కావడంతో అక్కడ ఆర్థర్ ఎమ్మెల్యేగా కొనసాగుతున్నారు. ఇదిలా ఉంటే వైసీపీ ప్రభుత్వం అధికారంలోకి వచ్చినప్పటి నుంచి ఆయనకు ఏదో ఒక నామినేటెడ్ పదవి దక్కుతుందని చర్చ నడుస్తోంది. తాజాగా ఆయనకు ఏపీ స్పోర్ట్స్ అథారిటీ చైర్మన్ పదవి దక్కింది. 2019లో జరిగిన సార్వత్రిక ఎన్నికల్లో నందికొట్కూరు నియోజకవర్గంలో వైసీపీ గెలుపునకు బైరెడ్డి కీలక పాత్ర పోషించారు. ఆ తర్వాత అక్కడి ఎమ్మెల్యే ఆర్థర్కు బైరెడ్డితో విబేధాలు వచ్చినట్టు కూడా వార్తలు వచ్చాయి.