అల్లుఅర్జున్ కు ఎవరూ చాలెంజ్ విసరలేదు? ఎందుకు?

”బి ద రియల్ మ్యాన్ చాలెంజ్”… ఇప్పుడు టాలీవుడ్ లో వైరల్ అవుతున్న చాలెంజ్ ఇదీ. అర్జున్ రెడ్డి దర్శకుడు ఇంట్లో పనిచేస్తూ విసిరిన ఈ చాలెంజ్ ను అందరూ ఫాలో అయిపోతున్నారు. మెగాస్టార్ చిరంజీవి, వెంకటేశ్, ఎన్టీఆర్, రాంచరణ్, రాజమౌళి, సుకుమార్, కొరటాల శివ, అనిల్ రావిపూడి, బోయపాటి తదితరులు తమ ఇంట్లో పనిచేస్తున్న వీడియోలను పోస్ట్ చేశారు.

ఇక ఇప్పటికే ఎన్టీఆర్ ఇద్దరు అగ్రహీరోలు బాలకృష్ణ, నాగార్జునలకు చాలెంజ్ విసిరాడు. అయితే వాళ్లు ఇంతవరకూ ఆ చాలెంజ్ ను స్వీకరించలేదు. ఇక తాజాగా విక్టరీ వెంకటేశ్ ఇంట్లో పనిచేసి మహేష్ బాబు, వరుణ్ తేజ్ లకు ఈ చాలెంజ్ విసిరాడు.

అయితే ఈ చాలెంజ్ ను తాజాగా ముగ్గురు స్టార్ హీరోలకు మాత్రం ఎవరూ విసరలేదు. అందులో ఒకరు అల్లు అర్జున్ కాగా.. మరొ ఇద్దరు ప్రభాస్, పవన్ కళ్యాణ్.

ఇక అందరికంటే ఆసక్తికరమైన విషయం ఏంటంటే అల్లు అర్జున్ అందరితో ఫ్రెండ్లీగా ఉంటాడు. సుకుమార్ తో ‘పుష్ప’ సినిమా కూడా తీస్తున్నాడు. అయితే సుకుమార్ కానీ.. ‘అల వైంకుఠపురంతో’ హిట్ ఇచ్చిన త్రివిక్రమ్ కానీ బన్నీని నామినేట్ చేయలేదు.

అల్లు అర్జున్ ను మెగా హీరోలు.. ఇటు బయట హీరోలు కూడా పట్టించుకోకపోవడం హాట్ టాపిక్ గా మారింది. ఇక డార్లింగ్ ప్రభాస్ ను సినీ జనాలు పక్కనపెట్టేయడం హాట్ టాపిక్ గా మారింది.