ఆదివాసీ యువతి పైలట్ కల నిజమయింది

మనసుంటే మార్గం ఉంటుంది అంటారు. కృషి, పట్టుదల ఉంటే సాధించలేనిది ఏమీ లేదని మరోసారి నిరూపించింది ఈ 27 ఏళ్ల ఆదివాసి అమ్మాయి.

ఒడిషాలోని మావోయిస్టు ప్రభావిత జిల్లా మల్కాన్ గిరి. ఇది చాలా వెనుకబడిన ప్రాంతం. ఆ జిల్లా కి చెందిన అనుప్రియ లక్రా అనే ఆదివాసి యువతి పైలట్ కావాలని కన్న తన కలలను నిజం చేసుకుంటూ ఏడేండ్లు కష్టపడి పైలెట్ అయింది. ఈ ప్రాంతం నుంచి ఈ ఘనత సాధించిన మొదటి ఆదివాసి యువతి గా ఆమె రికార్డు సృష్టించింది.

ఈ సంగతి తెలుసుకున్న ఒడిషా ముఖ్యమంత్రి నవీన్ పట్నాయక్ “అనుప్రియ లక్రా విజయానికి నాకు చాలా సంతోషంగా ఉంది. అంకితభావంతో ఆమె సాధించిన ఈ ఘనత ఎందరికో ఒక మంచి ఉదాహరణగా నిలుస్తుంది” అని అభినందనలు తెలిపారు. దీంతో ఆమె తల్లిదండ్రులు చాలా ఆనందపడుతున్నారు.