నేరేడు.... ఆరోగ్యానికి నెలరేడు....

మనిషి ఆరోగ్యంగా జీవించడం కోసం ప్రకృతి ఇచ్చిన మరో అద్భుత ఫలం నేరేడు పండు. ఇది సాధారణంగా శీతకాలంలో దొరుకుతుంది. ఈ పండులో అనేక పోషకాలు ఉన్నాయి. నేరేడు పండుతో పాటు నేరేడు బెరడు, ఆకులలో కూడా అనేక వ్యాధులను నివారించే గుణాలు ఉన్నాయి.

• నేరేడు పండులో ఒక ప్రత్యేకత ఉంది. మనం తినే ఆహారంతో పాటు చిన్నచిన్న దారపు పోగులో లేక వెంట్రుకలు కడుపులోకి వెళతాయి. అవి లోపలికి వెళ్లి ప్రేగులకు చుట్టుకుంటాయి. ఈ నేరేడు పండు తినడం వల్ల ప్రేగులకు చుట్టుకున్న ఆ వెంట్రుకలను బయటకు పంపిస్తుంది.
• నేరేడు ఆకులు ఎండబెట్టి పొడిచేసి దానికి తగినంత ఉప్పు కలుపుకుని పళ్లు తోముకుంటే చిగుళ్లు గట్టిపడి, దంత సమస్యలు తగ్గుతాయి.
• నేరేడు పండులో రక్తంలో ఉన్న గ్లూకోజ్ లెవెల్స్ ను అదపు చేసే గుణాలు ఉన్నాయి. అందవల్ల డయాబేటీస్ పేషేంట్లకు నేరేడు పండు ఎంతో మంచిది.
• హై షుగర్ ఉన్నవారు నేరేడు గింజల పొడిని నీళ్లలో కలుపుకుని తాగితే మంచి ఫలితం ఉంటుంది.
• నేరేడులో ఉన్న విటమిన్ సి రోగనిరోధక శక్తిని పెంచడానికి తోడ్పడుతుంది. అంతే కాదు కంటి సమస్యలకు చెక్ పెడుతుంది.
• ఇందులో ఉన్న విటమిన్ సి, ఐరన్ రక్తంలోఉన్న హిమోగ్లోబిన్ లెవెల్స్ పడిపోకుండా కాపాడుతుంది.
• కొంత మంది పిల్లలకు అంటే 10 లేక 12 సంవత్సరాలు వచ్చినప్పటికీ పక్క తడిపే అలవాటు ఉంటుంది, అటువంటప్పుడు నేరేడు గింజల పొడిని నీళ్లలో కలిపి ఒక నెల రోజులు తాగిస్తే ఫలితం కనిపిస్తుంది.
• కిడ్నీలో ఉన్న రాళ్ళను నివారించే గుణాలు నేరేడు పండులో ఉన్నాయి.
• తరచూ నేరేడు పండు తినడం వల్ల లివర్ శుభ్రపడుతుంది.
• నేరేడు పండులో ఉన్న యాంటీ ఆక్సిడెంట్లు అనేక రోగాలను నివారిస్తాయి.
• నేరేడు పండు వల్ల ఎసిడిటీ, జీర్ణసమస్యల నుంచి ఉపశమనం దొరుకుతుంది.
• వికారం, కడుపులో తిప్పడం, ఎసిడిటీ, వాంతులు అరికట్టాలంటే ఓ నాలుగు లేక ఐదు నేరేడు పళ్లు తింటే వెంటనే ఉపశమనం కలుగుతుంది.
• దీని ఆకు కషాయంలో కొన్ని యాలకులు లేదా దాల్చిన చెక్కతో తీసుకుంటే చొంగ కార్చే సమస్య నుంచి ఉపశమనం కలుగుతుంది.
• నేరడు ఆకులు నూరి తేలు లేక ఇతర విషజంతులు కుట్టిన చోట పట్టు వేస్తే ఆ విషం హరించుకుపోతుంది.
• నేరేడు పచ్చి గింజల కషాయం అతి మూత్రం, ప్లీహ రోగం నుంచి ఉపశమనం కలుగును. (enlargement of spleen)
• నేరేడు పండులో రక్తపోటును నివారించే గుణాలు ఉన్నాయి.