మళ్లీ మెగాఫ్యామిలీపై తీవ్ర వ్యాఖ్యలు చేసిన వర్మ

వంగవీటి పేరుతో సినిమా తీస్తానంటూ స్టోరీ రిసెర్చ్ కోసం విజయవాడలో తిరుగుతున్న వర్మ మెగా ఫ్యామిలీపై మరోసారి ట్విట్టర్లో తీవ్ర వ్యాఖ్యలు చేశారు. ఆ మధ్య పవన్‌ను ట్విట్టర్‌లో విమర్శించి మెగా ఫ్యాన్స్ చేత ఫొటోకు దండేయించుకున్న వర్మ మరోసారి వారిని గిల్లడం చర్చనీయాంశమైంది. మెగాపవర్ స్టార్స్‌ ఫేక్ అని ట్వీట్ పెట్టారు వర్మ. కాపు నాయకుడు ముద్రగడ పద్మనాభం మాత్రమే రియల్ మెగా పవర్ స్టార్ అని అభివర్ణించాడు. స్క్రీన్ మెగా పవర్ స్టార్స్ ఆర్డినరీ ఫేక్ స్టార్స్ మాత్రమే అని కామెంట్ చేశాడు. తనకు రాజకీయాల మీద నమ్మకం లేదని… ఒకవేళ ముద్రగడ పార్టీ పెడితే మాత్రం అందులో చేరుతానని ట్వీట్ చేశారు. కాపు చర్మంతో కమ్మ ఆలోచనలు కలిగిన స్క్రీన్ స్టార్స్ కంటే ముద్రగడే అసలు సిసలైన లీడర్ అని కితాబు ఇచ్చారు వర్మ.

తాను కాపు వర్గానికి చెందిన వాడిని కాదని… తన మిత్రులు ఎక్కువ మంది కమ్మ సామాజిక వర్గానికి చెందిన వారని కుల ప్రస్తావన కూడా తెచ్చాడు. మెగాపవర్‌ స్టార్స్‌ ఫేక్ అనడం ద్వారా కీలక మెగా హీరోలపై వర్మ విమర్శలు చేసినట్టు అయింది . ఆ మధ్య పవన్‌పై తీవ్ర విమర్శలు చేసిన వర్మకు మెగా ఫ్యాన్స్ ఫేస్ బుక్‌లో ఫొటోకు దండేశారు. మరి ఇప్పుడు స్పందిస్తారో లేక వర్మతో ఎందుకని వదిలేస్తారో చూడాలి.

Click on image to read: