జిమ్‌కు వెళ్లే చాలామంది మజిల్ బిల్డింగ్ కోసమని ప్రొటీన్ పౌడర్లు తీసుకుంటుంటారు. అలాగే బరువు పెరగాలి అనుకునేవాళ్లు, కండలు పెంచాలనుకునేవాళ్లు కూడా ప్రొటీన్ సప్లిమెంట్స్‌ తీసుకుంటే మంచిదన్న ఆలోచనలో ఉంటారు.
శరీరానికి కావల్సిన మూడు ముఖ్యమైన పోషకాల్లో ప్రొటీన్ ఒకటి. అయితే కార్బొహైడ్రేట్స్, ఫ్యాట్స్ లాగానే శరీరంలో ప్రొటీన్ శాతం పెరిగితే పలు సమస్యలు తప్పవు. ముఖ్యంగా ప్రొటీన్ ఎక్కువ అవ్వడం వల్ల జరిగే ‘ప్రొటీన్ పాయిజనింగ్’ గురించి చాలామందికి తెలియదు.
