పదివేల బడ్జెట్‌లో రియల్‌మీ నార్జో ఫోన్! ఫీచర్లివే..

ప్రముఖ స్మార్ట్‌ఫోన్ బ్రాండ్ రియల్‌మీ పదివేల రూపాయల బడ్జెట్‌లో ఓ కొత్త ఫోన్ లాంఛ్ చేసింది. ‘రియల్‌మీ నార్జో ఎన్ 65(Realme Narzo N65)’పేరుతో రిలీజైన ఈ మొబైల్ ఈ నెల 31 న సేల్‌కు రెడీ అవుతుంది. ఈ మొబైల్ ఫీచర్ల వివరాల్లోకి వెళ్తే.

రియల్‌మీ నార్జో ఎన్ 65 మొబైల్ మీడియాటెక్ డైమెన్సిటీ 6300 ఎస్ఓసీ ప్రాసెసర్‌‌పై పనిచేస్తుంది. ఆండ్రాయిడ్ 14 బేస్డ్ రియల్‌మీ యూఐ 5.0 ఓఎస్‌పై రన్ అవుతుంది. ఇందులో 6.67-అంగుళాల హెచ్‌డీ ప్లస్ ఎల్‌సీడీ డిస్‌ప్లే ఉంటుంది. ఇది 120హెర్ట్జ్ రిఫ్రెష్ రేటుని సపోర్ట్ చేస్తుంది. 625 నిట్స్ పీక్ బ్రైట్‌నెస్‌తో వస్తుంది.

రియల్‌మీ నార్జో ఎన్65 ఫోన్‌లో 50ఎంపీ ప్రైమరీ కెమెరాతో పాటు మరో డెప్త్ సెన్సార్ ఉంటుంది. ముందువైపు 8 ఎంపీ సెల్ఫీ కెమెరా ఉంది. అలాగే ఇందులో 15 వాట్ ఫాస్ట్ ఛార్జింగ్‌ను సపోర్ట్ చేసే 5,000ఎంఎహెచ్ బ్యాటరీ ఉంటుంది.

ఇకపోతే ఇందులో డ్యుయల్ నానో సిమ్ సపోర్ట్, 5జీ కనెక్టివిటీ, డైనమిక్ ర్యామ్, మినీ క్యాప్సూల్ 2.0, వై-ఫై 5.0, బ్లూటూత్ 5.3, యూఎఫ్ఎస్ 2.2 స్టోరేజ్, ఐపీ 54 రేటింగ్ వంటి ఫీచర్లున్నాయి. రియల్‌మీ నార్జో ఎన్65 ఫోన్ ధరల విషయానికొస్తే.. 4జీబీ + 128జీబీ వేరియంట్ ధర రూ. 11,499, 6జీబీ+ 128జీబీ వేరియంట్ ధర రూ. 12,499గా ఉన్నాయి. లాంఛింగ్ ఆఫర్ కింద రూ.1,000 కూపన్ డిస్కౌంట్ ఉంటుంది. అంబర్ గోల్డ్, డీప్ గ్రీన్ కలర్ ఆప్షన్స్‌లో లభిస్తుంది.