రియల్‌మీ నుంచి మిడ్‌రేంజ్ గేమింగ్ ఫోన్! ఫీచర్లివే..
ప్రముఖ స్మార్ట్ ఫోన్ బ్రాండ్ రియల్‌మీ లేటెస్ట్‌గా మిడ్ రేంజ్ బడ్జెట్‌లో ఒక గేమింగ్ ఫోన్‌ను లాంఛ్ చేసింది.
ప్రముఖ స్మార్ట్ ఫోన్ బ్రాండ్ రియల్‌మీ లేటెస్ట్‌గా మిడ్ రేంజ్ బడ్జెట్‌లో ఒక గేమింగ్ ఫోన్‌ను లాంఛ్ చేసింది. ఈ ఫోన్ ఫీచర్లు, ధరల వివరాల్లోకి వెళ్తే..
రియల్‌మీ గేమింగ్ సిరీస్ ‘జీటీ’ నుంచి ‘రియల్‌మీ జీటీ6(realme GT 6)’ పేరుతో సరికొత్త మొబైల్ ఈ నెల 20న గ్లోబల్ మార్కెట్లో లాంచ్ అవ్వనుంది. ఈ మొబైల్ క్వాల్‌కామ్ స్నాప్‌డ్రాగన్ 8 ఎస్ జెన్ 3 ప్రాసెసర్‌‌పై పనిచేస్తుంది. ఆండ్రాయిడ్ 14 బేస్డ్ రియల్‌మీ యూఐపై రన్ అవుతుంది.
రియల్‌మీ జీటీ 6 ఫోన్ లో 6.78 అంగుళాల ఫుల్ హెచ్డీ ప్లస్ ఎల్టీపీఓ అమోలెడ్ డిస్‌ప్లే ఉంటుంది. ఇది 120 హెర్ట్జ్ రీఫ్రెష్ రేటుని సపోర్ట్ చేస్తుంది. కార్నింగ్ గొరిల్లా గ్లాస్ విక్టస్ ప్రొటెక్షన్‌తో వస్తుంది. 6000 నిట్స్ పీక్ బ్రైట్‌నెస్‌ను సపోర్ట్ చేస్తుంది.
రియల్‌మీ జీటీ 6 ఫోన్ కెమెరాల విషయానికొస్తే ఇందులో 50-మెగాపిక్సెల్ సోనీ ఐఎంఎక్స్‌ సెన్సర్‌‌తో పాటు 8 మెగా పిక్సెల్ ఆల్ట్రా వైడ్ యాంగిల్ సెన్సర్ ఉంది. అలాగే సెల్ఫీలు, వీడియో కాల్స్ కోసం 32 మెగా పిక్సెల్ ఫ్రంట్ కెమెరా ఉంది. ప్రైమరీ కెమెరా.. ఆప్టికల్ ఇమేజ్ స్టెబిలైజేషన్ ఫీచర్ కలిగి ఉంది.
రియల్‌మీ జీటీ 6 మొబైల్.. గేమింగ్‌కు మంచిగా సపోర్ట్ చేస్తుంది. గేమ్స్ ఆడేటప్పుడు మొబైల్ హీట్ అవ్వకుండా ఇందులో డ్యుయల్ వీసీ కూలింగ్ సిస్టమ్ ఫీచర్‌‌ను తీసుకొచ్చారు. బ్యాటరీ విషయానికొస్తే.. ఇందులో 120వాట్ ఫాస్ట్ ఛార్జింగ్‌ను సపోర్ట్ చేసే 5500 ఎంఏహెచ్ బ్యాటరీ ఉంది. 10 నిమిషాల్లో 50 శాతం ఛార్జింగ్ అవుతుంది.
ఇకపోతే ఈ మొబైల్‌లో 5జీ, వైఫై, బ్లూటూత్ వంటి కనెక్టివిటీ ఫీచర్లున్నాయి. ఇది సింగిల్ సిమ్‌ను సపోర్ట్ చేస్తుంది. గ్రీన్, పర్పుల్, సిల్వర్ కలర్ ఆప్షన్స్‌లో లభిస్తుంది. ఈ మొబైల్ బేస్ వేరియంట్ (12 జీబీ + 256 జీబీ) ధర రూ.24,000 ఉంటుంది.
