ఏడువేలకే మోటొరోలా బడ్జెట్ ఫోన్! ఫీచర్లివే..

ప్రముఖ స్మార్ట్ ఫోన్ బ్రాండ్ మోటొరోలా ఫ్లాగ్‌షిప్ మొబైల్స్‌తోపాటు బడ్జెట్ ఫ్రెండ్లీ మొబైల్స్‌ను కూడా మార్కెట్లోకి తీసుకొస్తోంది. తాజాగా మోటో జీ 04ఎస్(Moto G04s) పేరుతో ఓ మొబైల్ లాంఛ్ చేసింది. ఈ ఫోన్‌ ఫీచర్ల వివరాల్లోకి వెళ్తే..

మోటో జీ 04 మొబైల్‌కు కొనసాగింపుగా మోటో జీ 04ఎస్ మొబైల్ లాంఛ్ అయింది. ఇది యూనిసోక్ టీ606 ఎస్వోసీ ఆక్టాకోర్ ప్రాసెసర్‌పై పనిచేస్తుంది. ఆండ్రాయిడ్ 14 ఓఎస్‌పై రన్ అవుతుంది.

మోటో జీ 04ఎస్ మొబైల్‌లో 6.56 అంగుళాల హెచ్డీ ప్లస్ ఐపీఎస్ ఎల్‌సీడీ డిస్‌ప్లే ఉంటుంది. ఇది 90 హెర్ట్జ్ రీఫ్రెష్ రేటుని సపోర్ట్ చేస్తుంది. ఇందులో వెనుకవైపు 50 మెగాపిక్సెల్ ప్రైమరీ కెమరాతో పాటు ముందువైపు 5 మెగాపిక్సెల్ సెల్ఫీ కెమెరా ఉంది. ఇందులో అమర్చిన 5000 ఎంఏహెచ్ బ్యాటరీ 15వాట్ ఫాస్ట్ చార్జింగ్‌ను సపోర్ట్ చేస్తుంది.

ఇకపోతే ఈ మొబైల్‌లో వర్చువల్ ర్యామ్ సపోర్ట్, మైక్రోఎస్డీ కార్డ్ సపోర్ట్, సైడ్ మౌంటెడ్ ఫింగర్ ప్రింట్ సెన్సర్, 3.5 ఎంఎం ఆడియో జాక్, వై-ఫై, జీపీఎస్ బ్లూటూత్ 5.0, ఐపీ52 డస్ట్ అండ్ స్ప్లాష్ రెసిస్టెన్స్, కార్నింగ్ గ్లాస్ 3 ప్రొటెక్షన్ వంటి ఫీచర్లున్నాయి.

మోటో జీ 04ఎస్ ఫోన్ 4జీబీ ర్యామ్ + 64 జీబీ స్టోరేజ్ వేరియంట్ ధర రూ.6,999గా ఉంది. ఫ్లిప్‌కార్ట్, మోటొరోలా ఆన్‌లైన్ స్టోర్‌‌లో ఈ మొబైల్ సేల్‌కు అందుబాటులో ఉంది. కాంకర్డ్ బ్లాక్, సీ గ్రీన్, శాటిన్ బ్లూ, సన్ రైజ్ ఆరెంజ్ కలర్ ఆప్షన్స్‌లో లభిస్తుంది.