రూ.10 వేలకే ఐఫోన్‌ ఫీచర్స్‌తో మొబైల్‌
బడ్జెట్‌ ఫ్రెండ్లీ ఫోన్‌ను లాంచ్‌ చేసిన లావా.. త్వరలోనే మార్కెట్‌లోకి
ఐ ఫోన్‌ ఫీచర్స్‌తోనే రూ.10 వేల బడ్జెట్‌లోనే జబ్బర్దస్త్‌ మొబైల్‌ ఫోన్‌ త్వరలోనే మార్కెట్‌లోకి రాబోతుంది. ఏంటి.. నమ్మలేకపోతున్నారా? మీరు చదువుతున్నదే నిజమే.. ఇండియన్‌ మొబైల్‌ మ్యానుఫ్యాక్చరర్‌ లావా ఈ మొబైల్‌ను లాంచ్‌ చేయబోతుంది. లావా యువ 4 పేరుతో వస్తోన్న ఈ ఫోన్‌ అచ్చుగుద్దినట్టు ఐఫోన్‌ 16 ప్రో డిజైన్‌లో ఉండబోతుంది. ఆండ్రాయిడ్‌ 14 వర్షన్‌తో ఈ ఫోన్‌ తీసుకురానున్నారు. ఈ ఏడాది ఫిబ్రవరిలోనే లావా యువ 3ని రిలీజ్‌ చేసింది. ఇప్పుడు దానికి అప్‌డేటెడ్‌ వర్షన్‌గా యువ 4ని తీసువస్తోంది. బడ్జెట్‌ ఫ్రెండ్లీగా రాబోతున్న ఈ ఫోన్‌ 4జీబీ ప్లస్‌ 64 జీబీ, 4జీబీ ప్లస్‌ 128 జీబీ స్టోరేజ్‌ మోడళ్లలో తీసుకువస్తున్నారు. గ్లాసీ వైట్, గ్లాసీ పర్పుల్, గ్లాసీ బ్లాక్ కలర్ ఆప్షన్‌లలో ఫోన్‌ తెస్తున్నారు. ఏడాది వారంటీ, ఫ్రీ ఎట్‌ హోమ్‌ సర్వీస్‌ను అందిస్తున్నారు. 4జీబీ ప్లస్‌ 64 జీబీ బేస్‌ మోడల్‌ రూ.6,999ల నుంచి ప్రారంభమవుతుంది. 4జీబీ ప్లస్‌ 128 జీబీ ధర వెల్లడించకపోయినా రూ.10 వేల రేంజ్‌లో ఉండొచ్చని అంచనా వేస్తున్నారు. కంపెనీ రీటైల్‌ ఔట్‌లెట్లలో ఈ ఫోన్‌ త్వరలోనే అమ్మకానికి రాబోతుంది. 6.5 ఇంచుల హెచ్‌డీ ప్లస్‌ డిస్‌ప్లేతో వీడియోలను హై రెజల్యూషన్‌తో చూడొచ్చు.
