పెద్ద బ్యాటరీ, ఇంట్రెస్టింగ్ ఫీచర్లతో ఐకూ బడ్జెట్ ఫోన్!

ఫ్లాగ్‌షిప్ మార్కెట్లో మంచి వాల్యూ క్రియేట్ చేసుకున్న ఐకూ బ్రాండ్.. ఎంట్రీ లెవల్ స్మార్ట్ ఫోన్స్‌పై కూడా ఫోకస్ పెడుతోంది. తాజాగా ఇండియన్ మార్కె్ట్లోకి ‘ఐకూ జెడ్ 9 ఎక్స్(iQOO Z9x)’ ఫోన్‌ను లాంఛ్ చేసింది. ఈ మొబైల్ ఫీచర్ల వివరాల్లోకి వెళ్తే..

ఐకూ నుంచి పది వేల రూపాయల బడ్జెట్లో ‘ఐకూ జెడ్9 ఎక్స్’ మొబైల్ లాంఛ్ అయింది. ఈ మొబైల్ లేటెస్ట్ క్వాల్‌కామ్ స్నాప్‌డ్రాగన్ 6 జెన్ 1 ప్రాసెసర్‌‌పై పనిచేస్తుంది. ఆండ్రాయిడ్ 14 బేస్డ్.. ఫన్ టచ్ ఓఎస్‌పై రన్ అవుతుంది. తక్కువ బడ్జెట్‌లో బెస్ట్ ప్రాసెసర్‌‌గా దీన్ని చెప్పుకోవచ్చు.

ఈ ఫోన్‌లో 6.72 -అంగుళాల ఫుల్ హెచ్‌డీ ఎల్సీడీ డిస్‌ప్లే ఉంటుంది. ఇది 120హెర్ట్జ్ రీఫ్రెష్ రేటుని సపోర్ట్ చేస్తుంది. ఇక కెమెరాల విషయానికొస్తే ఇందులో 50 మెగాపిక్సెల్ ప్రైమరీ కెమెరాతో పాటు 2 ఎంపీ సెకండరీ సెన్సర్ ఉంటుంది. ముందువైపు 8 మెగాపిక్సెల్ సెల్ఫీ కెమెరా ఉంటుంది.

ఐక్యూ జెడ్ 9 ఎక్స్‌లో బ్యాటరీ హైలైట్‌గా చెప్పుకోవచ్చు. ఇందులో 6000 ఎంఎహెచ్ కెపాసిటీ కలిగిన -అల్ట్రాథిన్ గ్రాఫైట్ బ్యాటరీ అమర్చారు. సింగిల్ ఛార్జ్‌.. రెండు రోజుల బ్యాటరీ లైఫ్ అందిస్తుంది. 44 వాట్ ఫాస్ట్ చార్జింగ్ సపోర్ట్ ఉంది.

ఇక వీటితోపాటు ఈ మొబైల్ అల్ట్రా-స్లిమ్ డిజైన్‌తో ఉంటుంది. అడాప్టివ్ డిస్‌ప్లే, డ్యుయల్ స్టీరియో స్పీకర్స్, ఐపీ64 వాటర్ రెసిస్టెన్స్, 5జీ కనెక్టివిటీ, అడ్రినో 710 గ్రాఫిక్స్, బ్లూటూత్ 5.1, వైఫై5 వంటి ఫీచర్లు కలిగి ఉంది.

ఫోన్ ధరల వివరాల్లోకి వెళ్తే.. 4జీబీ+128జీబీ వేరియంట్ ధర రూ.12,999, 6జీబీ+128జీబీ వేరియంట్ ధర రూ.14,499, 8జీబీ+128జీబీ వేరియంట్ ధర రూ.15,999గా ఉన్నాయి. లాంఛింగ్ ఆఫర్లు, బ్యాంక్ డిస్కౌంట్లు ఉన్నాయి. టోర్నడో గ్రీన్, స్టార్మ్ గ్రే అను రెండు కలర్ ఆప్షన్స్‌లో లభిస్తుంది.