Google Pixel 8 | గూగుల్ పిక్సెల్ 8పై ఫ్లిప్‌కార్ట్ భారీ డిస్కౌంట్‌.. ఇవీ డిటైల్స్‌..!

Google Pixel 8 | గూగుల్ (Google) గ‌తేడాది అక్టోబ‌ర్‌లో భార‌త్ మార్కెట్‌లో ఆవిష్క‌రించిన గూగుల్ పిక్సెల్ 8 ప్రో (Google Pixel 8 Pro) ఫోన్ ధ‌ర‌పై భారీగా ధ‌ర త‌గ్గించింది. ఈ-కామ‌ర్స్ ప్లాట్‌ఫామ్ ఫ్లిప్‌కార్ట్ ద్వారా, సెలెక్టెడ్ బ్యాంకు కార్డులు, ఈఎంఐ లావాదేవీల‌పై కొనుగోలు చేయ‌డంతో అద‌న‌పు డిస్కౌంట్లు అందుబాటులో ఉంటాయి. గూగుల్ పిక్సెల్ 8 (Google Pixel 8) ఫోన్ గూగుల్ టెన్సార్ జీ3 ప్రాసెస‌ర్ విత్ టైటాన్ ఎం2 సెక్యూరిటీ చిప్ ఉంటాయి. 256 జీబీ స్టోరేజీ కెపాసిటీతో ఈ ఫోన్‌ వ‌స్తున్న‌ది. 120 హెర్ట్జ్ రీఫ్రెష్ రేటుతోపాటు 6.2 అంగుళాల (1,080x2,400 పిక్సెల్స్‌) ఓలెడ్ డిస్‌ప్లే, 50550 ఎంఏహెచ్ కెపాసిటీ గ‌ల బ్యాట‌రీ క‌లిగి ఉంటుంది.

గూగుల్ పిక్సెల్ 8 డిస్కౌంట్ ధ‌ర‌లు ఇలా

గ‌తేడాది భార‌త్ మార్కెట్‌లో గూగుల్ పిక్సెల్ 8 ఫోన్ 8 జీబీ ర్యామ్ 128 జీబీ స్టోరేజీ కెపాసిటీ ఫోన్ రూ.75,999 ల‌కు ఆవిష్క‌రించ‌గా, అద‌న‌పు డిస్కౌంట్ ఆఫ‌ర్ల‌పై రూ. 61,999 ల‌కు ల‌భిస్తుంది. అంటే లాంచింగ్ ధ‌ర‌పై రూ.14 వేలు ధ‌ర త‌గ్గించేశారు. 256 జీబీ స్టోరేజీ మోడ‌ల్ ఫోన్ రూ.82,999ల‌కు మార్కెట్‌లో ఆవిష్క‌రించ‌గా, రూ.71,999ల‌కే ల‌భిస్తుంది. అద‌నంగా ఫ్లిప్ కార్ట్ ద్వారా గూగుల్ పిక్సెల్ 8 (Google Pixel 8) ఫోన్ రూ.60,500 దిగి వ‌చ్చింది. ఐసీఐసీఐ బ్యాంకు కార్డుల‌పై ఈఎంఐ లావాదేవీల ద్వారా రూ.8,000 క్యాష్ బ్యాక్ ఆఫ‌ర్‌తో రూ.53,999ల‌కే సొంతం చేసుకోవ‌చ్చు. ఫ్లిప్‌కార్ట్ యాక్సిస్ బ్యాంకు క్రెడిట్ కార్డుపై ఐదు శాతం క్యాష్ బ్యాక్ ఆఫ‌ర్ చేస్తోంది. రూ.699ల‌కే 12 నెల‌ల పాటు స్పాటిఫై ప్రీమియం ఉంటుంది. రూ.3,445ల‌కు నో-కాస్ట్ ఈఎంఐ ఆప్ష‌న్ ప్రారంభ‌మ‌వుతుంది.

గూగుల్ పిక్సెల్ 8 స్పెషిఫికేష‌న్స్‌

గూగుల్ పిక్సెల్ 8 (Google's Pixel 8) ఫోన్ ఆండ్రాయిడ్ 14 వ‌ర్ష‌న్‌పై ప‌ని చేస్తుంది. 120 హెర్ట్జ్ రీఫ్రెష్ రేటుతోపాటు 2000 నిట్స్ పీక్ బ్రైట్‌నెస్ క‌లిగి ఉంటుంది. 50-ప్రైమ‌రీ శాంసంగ్ జీఎన్‌2 సెన్స‌ర్ కెమెరా, 12 మెగా పిక్సెల్ ఆల్ట్రావైడ్ లెన్స్ కెమెరాతోపాటు సెల్ఫీలూ వీడియో కాల్స్ కోసం 10.5 మెగా పిక్సెల్స్ సెన్స‌ర్ కెమెరా ఉంటుంది. కాల్ స్క్రీనింగ్‌, స‌ర్కిల్ టూ సెర్చ్‌, బెస్ట్ టేక్ ఫ‌ర్ ఫోటోస్‌, మ్యాజిక్ ఎరేజ‌ర్ వంటి గూగుల్ ఏఐ ఫీచ‌ర్లు ఉన్నాయి. ఒబ్సిడియ‌న్‌, హేజెల్‌, రోస్‌, మింట్ క‌ల‌ర్ ఆప్ష‌న్ల‌లో ల‌భిస్తుంది. ఏడేండ్ల‌పాటు ఓఎస్‌, ఫీచ‌ర్ డ్రాప్ అప్‌డేట్స్ అందిస్తుంది.