పదివేల బడ్జెట్‌లో కొనదగిన బెస్ట్ ఫోన్స్ ఇవే!

మార్కెట్లో ప్రతినెలా కొత్త మొబైల్స్ వస్తూ ఉంటాయి. కాబట్టి కొత్తగా మొబైల్స్ కొనాలనుకునేవారికి ఎప్పటికప్పుడు కొత్తకొత్త ఆప్షన్స్ రెడీగా ఉంటాయి. ప్రస్తుతం పదివేల రూపాయల బడ్జెట్‌లో అందుబాటులో ఉన్న బెస్ట్ ఫోన్స్‌పై ఓ లుక్కేస్తే..

పదివేల రూపాయల బడ్జెట్‌లో ప్రస్తుతం చాలారకాల ఫోన్స్ అందుబాటులో ఉన్నాయి. వాటిలో కెమెరా, డిస్‌ప్లే, ప్రాసెసర్ వంటి అంశాల్లో బెస్ట్‌గా రాణిస్తున్న మొబైల్స్ ఇవీ..

శాంసంగ్ ఎ14 5జీ

పదివేల రూపాయల బడ్జెట్‌లో ఓవరాల్ బెస్ట్ ఫోన్‌గా ‘శాంసంగ్​ గెలాక్సీ ఎ14’ మొబైల్‌ను చెప్పుకోవచ్చు. ఇందులో 6.6 అంగుళాల ఎల్​సీడీ డిస్​ప్లే ఉంటుంది. శాంసంగ్ ఎగ్జినోస్​ 1330 ప్రాసెసర్‌‌పై పనిచేస్తుంది. 13 ఎంపీ ఫ్రంట్ కెమెరాతో పాటు వెనుక 50 ఎంపీ ప్రైమరీ కెమెరా రెండు 2 ఎంపీ డెప్త్ సెన్సర్‌‌లు ఉన్నాయి. ఇందులో 5000ఎంఏహెచ్ బ్యాటరీ ఉంటుంది. క్రోమా స్టోర్‌‌లో ఈ మొబైల్ ధర సుమారు రూ.11,599 ఉంది.

రియల్‌మీ సీ67 5జీ

పదివేల బడ్జెట్‌లో మంచి పెర్ఫామెన్స్ ఫోన్ కావాలంటే ‘రియల్‌మీ సీ67’ మొబైల్ తీసుకోవచ్చు. ఇందులో 6.72 అంగుళాల ఎల్​సీడీ డిస్​ప్లే ఉంటుంది. మీడియాటెక్ డైమెన్సిటీ 6100+ ప్రాసెసర్‌‌పై పనిచేస్తుంది. ఇందులో 50 మెగాపిక్సెల్ ప్రైమరీ కెమెరాతో పాటు 2 ఎంపీ డెప్త్ సెన్సర్, సెల్ఫీల కోసం 8 ఎంపీ ఫ్రంట్ కెమెరా ఉన్నాయి. బ్యాటరీ కెపాసిటీ 5000 ఎంఏహెచ్. ధర సుమారుగా రూ.11,210 ఉంది.

పోకో ఎమ్ 6 5జీ

బడ్జెట్లో మంచి పెర్ఫామెన్స్‌తో పాటు మంచి కెమెరా సెటప్ ఉండే ఫోన్ కావాలనుకునేవారు ‘పోకో ఎమ్ 6’ స్మార్ట్​ఫోన్ ఎంచుకోవచ్చు. ఇందులో 6.79 అంగుళాల ఎల్​సీడీ డిస్​ప్లే ఉంటుంది. క్వాల్‌కామ్​ స్నాప్​డ్రాగన్​ 4 జెన్​ 2 ప్రాసెసర్‌‌పై పనిచేస్తుంది. 5000ఎంఏహెచ్ బ్యాటరీ ఉంటుంది. 50 మెగా పిక్సెల్ ప్రైమరీ కెమెరాతో పాటు 2 ఎంపీ డెప్త్ సెన్సర్, 8 ఎంపీ సెల్ఫీ కెమెరా ఉంటుంది. ధర సుమారు రూ.10,899 ఉంది.

మోటో జీ34 5జీ

తక్కువ బడ్జెట్‌లో ప్రాక్టికల్ మొబైల్ కావాలనుకుంటే ‘మోటో జీ34’ ఫోన్​ పై ఓ లుక్కేయొచ్చు. ఇందులో 6.5 అంగుళాల ఎల్​సీడీ డిస్​ప్లే ఉంటుంది. క్వాల్కమ్​ స్నాప్​డ్రాగన్​ 695 ప్రాసెసర్‌‌పై పనిచేస్తుంది. ఇందులో 50 ఎంపీ ప్రైమరీ కెమెరాతో పాటు 2ఎంపీ డెప్త్ సెన్సర్, 16 ఎంపీ సెల్ఫీ కెమెరా ఉన్నాయి. బ్యాటరీ కెపాసిరీ 5000 ఎంఏహెచ్. ఈ మొబైల్ ధర సుమారు రూ.11,585 ఉంది.

లావా బ్లేజ్ 2 5జీ

తక్కువ బడ్జెట్‌లో ఇండియన్ మొబైల్ కొనాలనుకునేవారు ‘లావా బ్లేజ్​ 2 5జీ’ తీసుకోవచ్చు. ఇందులో 6.56 అంగుళాల ఎల్​సీడీ డిస్​ప్లే ఉంటుంది. ఇది మీడియాటెక్ డైమెన్సిటీ 6020 ప్రాసెసర్‌‌పై పనిచేస్తుంది. 50 ఎంపీ ప్రైమరీ కెమెరాతో పాటు 8 ఎంపీ సెల్ఫీ కెమెరా ఉంటుంది. బ్యాటరీ కెపాసిటీ 5000 ఎంఏహెచ్. ధర సుమారు రూ.9,999 ఉంది.