ఆ నిర్ణయం ప్రాంతీయ పార్టీల గొంతు నొక్కడమే

కేంద్ర ప్రభుత్వం పార్లమెంట్‌లో వన్‌ నేషన్‌ - వన్‌ ఎలక్షన్‌ బిల్లును ప్రవేశపెట్టబోతుందని.. ఇది ప్రాంతీయ పార్టీల గొంతులను అణచి వేయడమేనని తమిళనాడు సీఎం స్టాలిన్‌ మండిపడ్డారు. కేంద్ర కేబినెట్‌ నిర్ణయంపై గురువారం ఆయన 'ఎక్స్‌' వేదికగా స్పందించారు. జమిలి ఎన్నికలు భారత ప్రజాస్వామ్య వ్యవస్థకే విఘాతం కలిగిస్తాయన్నారు. ఈ బిల్లును కేంద్ర కేబినెట్‌ ఆమోదించడం క్రూరమైన చర్య అన్నారు. ప్రజాస్వామ్యంపై దాడి జరుగుతోందని.. దీనిని దేశ ప్రజలందరూ తిప్పికొట్టాలని పిలుపునిచ్చారు.