ఢిల్లీలో తీవ్రస్థాయిలో కాలుష్యం.. నేటి నుంచి కఠిన నిబంధనలు

దేశ రాజధాని ఢిల్లీని కాలుష్య పొగ మంచు అలుముకున్నది వరుసగా రెండో రోజు వాయు నాణ్యత సూచీ (ఏక్యూఐ) తీవ్రస్థాయికి చేరింది. గురువారం ఉదయం 428 గా నమోదైంది. దీంతో కట్టడి చర్యల్లో భాగంగానేటి నుంచి కఠిన నిబంధనలు అమలుచేయనున్నది. ఈ ఉదయం 8 గంటల నుంచి గ్రేడెడ్‌ రెస్పాన్స్‌ యాక్షన్‌ ప్లాన్‌, (జీఆర్‌ఏపీ)ని అమల్లోకి తేనున్నది. పొగ మంచు కారణంగా గురువారం పలుచోట్ల రోడ్డు ప్రమాదాలు జరగడం సహా వందలాది విమాన సర్వీసులకు అంతరాయం ఏర్పడింది. ఈ నేపథ్యంలో జీఆర్‌ఏపీ నిబంధనల ప్రకారం బీఎస్‌-3 కి చెందిన పెట్రోల్‌ వాహనలు, బీఎస్‌-4 కేటగిరికి చెందిన డీజిల్‌ వాహనాలు ఢిల్లీలోని కాలుష్య ప్రభావిత ప్రాంతాల్లోకి అనుమతించరు. జాతీయ భద్రత, మౌలిక సదుపాయాలు, ఆరోగ్య కేంద్రాల నిర్మాణాలు మినహా మిగిలిన నిర్మాణాలు, కూల్చివేతలపై నిషేధం అమల్లోకి తెచ్చారు. 5 తరగతి విద్యార్థులకు నేటి నుంచి వ్యక్తిగత హాజరు నుంచి మినహాయింపునిచ్చారు. ఆన్‌లైన్‌ ద్వారా వారికి క్లాస్‌లు నిర్వహించనున్నారు.