మహారాష్ట్ర, ఝార్ఖండ్‌ అసెంబ్లీ ఎన్నికల పోలింగ్‌ కొనసాగుతున్నది. మహారాష్ట్రలో ఇప్పటివరకు 45 శాతానికి పైగా ఓటింగ్‌ జరిగినట్లు ఎన్నికల అధికారులు వెల్లడించారు. నేటి సాయంత్రం ఎగ్జిట్‌పోల్స్‌ వెలువడనున్నాయి. ఈ క్రమంలోనే కాంగ్రెస్‌ కీలక నిర్ణయం తీసుకున్నట్లు సమాచారం. ఎగ్జిట్‌పోల్స్‌ చర్చల్లో తాము పాల్గొనడం లేదంటూ పార్టీ సంబంధిత వర్గాలు పేర్కొన్నాయి. 288 నియోజకవర్గాలున్న మహారాష్ట్రలో ఒకే విడతలో పోలింగ్‌ కొనసాగుతున్నది. మధ్యాహ్నం 2-3 గంటల వరకు 43.53 శాతం పోలింగ్‌ నమోదైంది. మరోవైపు ఝార్ఖండ్‌లో 61.47 శాతం ఓటింగ్‌ జరిగింది. ఓటు హక్కును వినియోగించుకోవడానికి సినీ, క్రీడా సెలబ్రిటీలతో పాటు ఓటర్లు పోలింగ్‌ కేంద్రాలకు పోటెత్తారు.
