Amazon Great Freedom Festival Sale | స్మార్ట్ ఫోన్లు, లాప్‌టాప్‌ల‌పై భారీ డిస్కౌంట్లు.. అమెజాన్ గ్రేట్ ఫ్రీడం ఫెస్టివ‌ల్ సేల్

Amazon Great Freedom Festival Sale | స్మార్ట్ ఫోన్లు, మొబైల్ పాడ్స్‌, లాప్ టాప్‌లు, టీవీలు, రిఫ్రిజిరేట‌ర్లు ఇప్పుడు ప్ర‌తి ఒక్క‌రికీ అవ‌స‌రం. గ‌తంతో పోలిస్తే ఇప్పుడు టెక్నాలజీ వృద్ధి చెంద‌డంతోపాటు డిజిట‌ల్‌, ఆన్‌లైన్ కొనుగోళ్లు పుంజుకున్నాయి. వివిధ సంస్థ‌లు కూడా స‌రికొత్త ఫీచ‌ర్ల‌తో కొత్త‌కొత్త మోడ‌ల్స్ మార్కెట్‌లోకి తెస్తున్నాయి. వీటిపై కంపెనీల‌తోపాటు ఈ-కామ‌ర్స్ సంస్థ‌లు ఆఫ‌ర్లు ఇస్తున్నాయి. సెలెక్టెడ్ బ్యాంకు కార్డుల‌పై డిస్కౌంట్‌లు అందిస్తున్నాయి. ఈ త‌రుణంలో ఈ-కామ‌ర్స్ జెయింట్ అమెజాన్ త‌న ప్రైమ్ మెంబ‌ర్ల‌కు, సాధార‌ణ ప్ర‌జ‌ల‌కు `అమెజాన్ గ్రేట్ ఫ్రీడం ఫెస్టివ‌ల్ సేల్` తీసుకొస్తుంది. ఆగ‌స్టు 5వ‌ తేదీ నుంచి ఈ సేల్స్ ప్రారంభం అవుతాయి. ఒక రోజు ముందు నుంచి అమెజాన్ ప్రైమ్ స‌బ్‌స్క్రైబ‌ర్లు బుక్ చేసుకోవ‌చ్చు.

5వ‌ తేదీ నుంచి మొద‌ల‌య్యే `అమెజాన్ గ్రేట్ ఫెస్టివ‌ల్ సేల్-2023`లో ఎస్బీఐ క్రెడిట్ కార్డులు, ఈఎంఐ లావాదేవీల‌పై ప‌ది శాతం ఇన్‌స్టంట్ డిస్కౌంట్ ల‌భిస్తుంది. ఆయా వ‌స్తువుల ఎక్స్చేంజ్ మీద కూడా అద‌న‌పు డిస్కౌంట్లు అందిస్తోంది అమెజాన్‌. వ‌చ్చేనెల 5వ‌ తేదీ నుంచి 9వ‌ తేదీ వ‌ర‌కు అమెజాన్ గ్రేడ్ ఫ్రీడ‌మ్ ఫెస్టివ‌ల్ నిర్వ‌హిస్తారు. అమెజాన్ ప్రైమ్ స‌బ్‌స్క్రైబ‌ర్లు ఆగ‌స్టు 4వ‌ తేదీ మ‌ధ్యాహ్నం 12 గంట‌ల నుంచి డీల్స్‌, డిస్కౌంట్లు, ఆఫ‌ర్లు పొందొచ్చు. అమెజాన్ ప్రైమ్ స‌బ్‌స్క్రిప్ష‌న్ నెల‌కు రూ.299, మూడు నెల‌ల‌కు రూ.599, ఏడాది స‌బ్‌స్క్రిప్ష‌న్ రూ.1,499, అమెజాన్ ప్రైమ్ లైట్ స‌బ్‌స్క్రిప్ష‌న్ ఏడాదికి రూ.999ల‌కు ల‌భిస్తుంది.

అమెజాన్ ఇండియా వెబ్‌సైట్‌లో డీల్స్ లిస్ట్ చేస్తారు. ఐదు ప్ర‌ధాన క్యాట‌గిరీల కింద క‌స్ట‌మ‌ర్లు రాయితీలు పొందొచ్చు. బ్లాక్ బ‌స్ట‌ర్ డీల్స్‌, గ్రాండ్ ఓపెనింగ్ డీల్స్‌, 8పీఎం డీల్స్‌, రూ.999లోపు డీల్స్‌, ప్రైష్ క్రాష్ స్టోర్ విభాగాల కింద క‌స్ట‌మ‌ర్లు డిస్కౌంట్లు అందుకోవ‌చ్చు.

స్మార్ట్ ఫోన్ల‌పై 40 శాతం వ‌ర‌కూ డిస్కౌంట్లు ఆఫ‌ర్ చేస్తోంది అమెజాన్‌. ఇటీవ‌ల మార్కెట్లో రిలీజ్ చేసిన వ‌న్‌ప్ల‌స్ నార్డ్ సీఈ3 5జీ, శాంసంగ్ గెలాక్సీ ఎం34 5జీ, త్వ‌ర‌లో మార్కెట్లో ఆవిష్క‌రించ‌నున్న రెడ్‌మీ 12 5జీ ఫోన్ల‌పై ధ‌ర‌లు త‌గ్గుతాయి. కొన్ని స్మార్ట్ ఫోన్ విడి భాగాల ధ‌ర‌లు రూ.69ల‌కే ల‌భిస్తాయ‌ని అమెజాన్ పేర్కొంది.

హెచ్‌పీ15ఎస్ లాప్‌టాప్ ధ‌ర రూ.51,812 (ఎక్స్ షోరూమ్‌) ధ‌ర కాగా, రూ.38,990ల‌కే ల‌భిస్తుంది. శాంసంగ్ గెలాక్సీ టాబ్ ఎస్‌8 అస‌లు ధ‌ర రూ.66,999 కాగా, ఇప్పుడు రూ.50,999ల‌కే సొంతం చేసుకోవ‌చ్చు. ఇంకా రెడ్‌మీ 322 అంగుళాల హెచ్‌డీ స్మార్ట్ ఫైర్ టీవీ రూ.10,999, ఎల్‌జీ 8కిలోల ఫ్రంట్ లోడ్ వాషింగ్ మెషీన్ రూ.34,490ల‌కు ల‌భిస్తుంది. శాంసంగ్ 253 ఎల్ రిఫ్రిజిరేట‌ర్ రూ.31,990 నుంచి రూ.24,290ల‌కే అందుబాటులో ఉంటుంది.