ముగిసిన కేటీఆర్‌ విచారణ
ఏడు గంటల పాటు ప్రశ్నించిన ఏసీబీ
ఫార్ములా -ఈ కేసులో కేటీఆర్‌ విచారణ ముగిసింది. ఉదయం 10 గంటల నుంచి సాయంత్రం 5 గంటల వరకు లంచ్‌ బ్రేక్‌ మినహా ఏడు గంటల పాటు ఏసీబీ అధికారులు కేటీఆర్‌ ను ప్రశ్నించారు. ఏసీబీ అధికారులు అడిగిన ప్రశ్నలకు తనకు తెలిసిన సమాచారం ఇచ్చాను. వాళ్లు ఎన్నిసార్లు విచారణకు పిలిచినా వస్తానని చెప్పిన. ఇదో చెత్త కేసు.. ప్రభుత్వ ఒత్తిడిలో మీరు ఏం చేస్తున్నారో మీకు తెలియడం లేదు అని చెప్పిన. రాజకీయ కక్ష సాధింపుల కోసం రేవంత్‌ పెట్టిన ఈ కేసుతో సాధించేది ఏమీ లేదు. ''రేవంత్‌ రెడ్డి రాసిచ్చిన నాలుగైదు ప్రశ్నలను తిప్పితిప్పి 40 రకాలుగా ప్రశ్నించారు. మేము ఇక్కడి నుంచి పైసలు పంపినం.. వాళ్లకు అక్కడ పైసలు ముట్టినయి.. ఇక్కడ కరప్షన్‌ ఎక్కడుందని నేను అడిగిన.. వాళ్లదగ్గర సమాధానం లేదు.'' అన్నారు.
పోలీసులతో తీరుపై కేటీఆర్‌ అసహనం
మీడియాతో మాట్లాడితే పోలీసులకు ఎందుకు భయమని కేటీఆర్‌ ప్రశ్నించారు. తన విచారణ ముగిసిన తర్వాత ఏసీబీ ఆఫీస్‌ నుంచి బయటకు వచ్చిన కేటీఆర్‌ అక్కడే ఉన్న మీడియా ప్రతినిధులతో మాట్లాడారు. ఈక్రమంలోనే పోలీసులు అక్కడి నుంచి వెళ్లిపోవాలని సూచించారు. మీడియా ప్రతినిధులు అక్కడే ప్రశ్నలు అడుగుతుండటంతో పోలీసులు తోసేసే ప్రయత్నం చేశారు. దీంతో పోలీసుల తీరుపై కేటీఆర్‌ మండిపడ్డారు. తాను అక్కడ మాట్లాడుతంటే ఎందుకు అంత భయమని ప్రశ్నించారు. అన్ని బారికేడ్లే పెట్టి ట్రాఫిక్‌ అలో చేస్తామని చెప్పడం ఏమిటని నిలదీశారు.
